ლიკავიტოს თეატრი კვლავ იხსნება
ათენის ერთ- ერთი ყველაზე პოპულარული, ღია ცის ქვეშ თეატრი, რომელიც წარსულში ბერძენი თუ უცხოელი შემოქმედების ისტორიულ კონცერტებს და საუკეთესო სპექტაკლებს მასპინძლობდა- ლიკავიტოს თეატრი, საზოგადოებისთვის კვლავ ხსნის თავის კარებს.
ათენის მერის, კოსტას ბაკოიანის განცხადებით ადგილი, რომელიც მრავალი წლის განმავლობაში დახურული იყო კვლავ გაიხსნება.
2008 წლის ივნისში ათენის მუნიციპალიტეტმა სტენდებზე სერიოზული სტატიკური პრობლემების გამო, მოულოდნელად გამოაცხადა გადაწყვეტილება თეატრის დალუქვის შესახებ.
გადაწყვეტილებამ დიდი უკმაყოფილება და მწვავე რეაქციები გამოიწვია მხატვრულ წრეებში, რადგან უკვე დაგეგმილი იყო ათობით ღონისძიება და ბილეთებიც წინასწარ გაყიდული, რომლებიც უნდა გაუქმებულიყო.
თუმცა ამ შემთხვევაში საზოგადოების უსაფრთხოების საკითხი უდავოდ პრიორიტეტული იყო.
რამოდენიმე წლის შემდეგ, 2013 წლის ზაფხულში ღია თეატრი კვლავ გაიხსნა და უმასპინძლა ჯგუფ Scorpions- ის კონცერტებს, თუმცა მოგვიანებით კვლავ დაიხურა.
ბოლოჯერ აანთეს პროჟექტორები ლიკავიტოს თეატრში 2016 წლის ივლისის ერთ საღამოს, ზოი კონსტანტინოპულუს წვეულების, Pleusi Eleftherias- ის ღონისძიებაზე, რომლის კონტექსტშიც გაიმართა კონცერტი სხვადასხვა ხელოვანების მონაწილეობით.
ათენის ამ ღირსშესანიშნაობის გახსნა პრიორიტეტული იყო ათენის მუნიციპალიტეტისა და ატიკის რეგიონისათვის, რომლებმაც განახორციელეს თეატრის განახლება და მიმდებარე სივრცის ფორმირება თანამედროვე ფუნქციონალური და ტექნიკური მახასიათებლებით.
