Latest news
ზეფირი: ხანძრის შედეგად გარდაცვლილი 2 მეხანძრის საქმესთან დაკავშირებით პროკურორი 34 წლის ქალსა და მი... ათენის პოლიტექნიკური უნივერსიტეტი აჯანყების 53-ე წლისთავთან დაკავშირებით უნივერსიტეტის ჭიშკარი გაიხს... მიგრანტთა დაბრუნების ცენტრები: ორშაბათს გამოცხადდება ევროკავშირის პირველი არაწევრი ქვეყანა, რომელიც ... „ბავშვის მდგომარეობის დამძიმების მიზეზი მისი მეტაბოლიზმი გახდა“ - აცხადებენ პატიმრობაში მყოფი 4 თვის... დაღუპულ მეხანძრეებს კოლეგებმა წუთიერი დუმილითა და თეთრი ყვავილებით მიაგეს პატივი პოლიტექნიკური უნივერსიტეტი: რატომ მიიღეს უნივერსიტეტის შენობის დაკეტვის გადაწყვეტილება სამშენებლო კოეფიციენტის გაზრდის გეგმას მუნიციპალიტეტების მერები აპროტესტებენ პოლიცია პოლიტექნიკური უნივერსიტეტის აჯანყების წლისთავისთვის გაძლიერებულ მზადყოფნაშია საბერძნეთის სურსათისა და მედიკამენტების ეროვნული ორგანიზაციის თანამშრომელი: „აღმოჩენილი პრეპარატები ... პატრა: ოთხი თვის ჩვილის მშობლებს განზრახ მკვლელობის მცდელობაში ედებათ ბრალი
ორშაბათი, ნოემბერი 16, 2026
კრიმინალისაბერძნეთი

კიდევ ერთი ოჯახური ძალადობის მსხვერპლი ქალი – კიდევ ერთი დაკარგული სიცოცხლე

კიდევ ერთი ოჯახური ძალადობის მსხვერპლი ქალი – კიდევ ერთი დაკარგული სიცოცხლე

მენიდში, ხუთშაბათს დილით, შუა ქუჩაში, მოკლული ქალი იპოვეს, რომელსაც მუცლის არეში დანით აქვს ერთი ჭრილობა მიყენებული. 

გავრცელებული ინფორმაციის თანახმად მოკლულ ქალს წარსულში სამჯერ ჰქონდა მიმართული პოლიციისთვის და საჩივარი ჰქონდა დაწერილი მისი ყოფილი მეუღლის წინააღმდეგ ოჯახური ძალადობისთვის.

პირველი საჩივარი მან 2013 წლის 3 აპრილს შეიტანა, რის საფუძველზეც დააკავეს დამნაშავე და პროკურატურაში დაკითხვაზე გადაიყვანეს. მოძალადის წინააღმდეგ გაიცა შემაკავებელი ორდერი და მას აეკრძალა მსხვერპლთან ერთად ცხოვრება.

მეორე საჩივარი 2022 წლის 18 სექტემბერს ფიქსირდება. ძალადობის მსხვერპლი ახლა უკვე საჩივარს წერს მუქარის, სიტყვიერი და ფიზიკური შეურაცხყოფისთვის. ბრალდებული ისევ კავდება და გადაჰყავთ პროკურატურაში დაკითხვაზე. 

ბოლო, რიგით მესამე საჩივარი კი 2024 წლის 7 მაისს ფიქსირდება. ისევ ოჯახური ძალადობისთვის, მუქარა, ფიზიკური და სიტყვიერი შეურაცხყოფა. მოძალადე ისევ დააკავეს და მისი სასამართლო პროცესი 2024 წლის 17 მაისს ჩატარდა.

40 წლის ქალბატონისთვის გაიცა სასამართლო ექსპერტიზის ჩატარების ბრძანება. მას მიეცა ყველანაირი ინფორმაცია, მითითებები და ბეჭდური მასალა, რათა, სურვილის შემთხვევაში, მიეღო საჭირო მორალური და მატერიალური დახმარება კომპეტენტური ორგანოებისგან. 

მის ტელეფონზე დამონტაჟდა პროგრამა “Panic Button” და შეეძლო საჭიროების შემთხვევაში, მარტივი მოქმედებით გამოეძახებინა პირდაპირ პოლიცია.

მკვლელობის შემდეგ სამართალდამცავმა ორგანოებმა ძებნაში გადასცეს ეჭვმიტანილი, გარდაცვლილი ქალის ყოფილი მეუღლე, თუმცა მის კვალზე პოლიცია ჯერ ვერ გავიდა. 

მენიდის იმ უბანში მაცხოვრებელი, სადაც 40 წლის ქალმა სიცოცხლის უკანასკნელი წუთები გაატარა,  მომხდარზე საუბრობს და აცხადებს, რომ მისმა კლიენტმა გაიგო თუ როგორ ითხოვდა შველას მსხვერპლი და როგორ გამოიძახა პოლიცია: “მაღაზიას ყოველ დილით 05:10 საათზე ვაღებ. იმ დღეს ყავას ვსვამდი, როცა ჩემი ერთ-ერთი კლიენტი შემოვიდა და მთხოვა კარი დამეკეტა და მითხრა, რომ არ გამეღო კარი, რადგან მაღაზიასთან ახლოს ვიღაც გოგო მოკლეს. მე ეგრევე პოლიციაში დავრეკე, რადგან შემეშინდა. კლიენტმა მითხრა, რომ გოგონა შველას ითხოვდა, მან კი პოლიციას დაურეკა.: 

Facebook Comments Box

კომენტარის დატოვება

თქვენი ელფოსტის მისამართი გამოქვეყნებული არ იქნება. სავალდებულო ველების მონიშვნის ნიშანი *