კიფისია: მოხუცებული ქალის სახლში 2 მძარცველი შეიჭრა 

კიფისია: მოხუცებული ქალის სახლში 2 მძარცველი შეიჭრა 

კვირას, 31 აგვისტოს, დილით 89 წლის ქალის სახლში, კიფისიაში, 2 სავარაუდოდ ბოშური (რომა) წარმოშობის პირი შეიჭრა.

მძარცველებმა მოხუცებული დააბეს, რათა თავისუფლად შეძლებოდათ სახლში არსებული ძვირფასეულობის, ბანკის კარტებისა და ტექნიკის გატანა.

გავრცელებული ინფორმაციის თანახმად მძარცველები სახლში დილის 10:10 საათზე შეიჭრდნენ. 

მათ მოხუცებულისთვის ფიზიკური დაზიანებები არ მიუყენებიათ. 

მას შემდეგ რაც მძარცველებმა სახლი დატოვეს, მოხუცებულმა თავი თავად გამოიხსნა და პოლიციაში დარეკა დახმარების სათხოვნელად.

დაიწყო გამოძიება მძარცველების ვინაობის დასადგენად.