როგორ მოვუაროთ კანს ხანგრძლივი რუჯის მიღების შემდეგ
როგორ მოვუაროთ კანს ხანგრძლივი რუჯის მიღების შემდეგ
კანის ბუნებრივი ფერის აღდგენის პროცესი დამოკიდებულია იმაზე, თუ რა ინტენსივობით მოხდა ინსოლაცია, ანუ რამდენი ხნის განმავლობაში ვირუჯებოდით. რაც უფრო დიდი ხანი ვიყავით მზეზე, მით უფრო ხანგრძლივი იქნება რუჯი. ეს პროცესი ერთი თვიდან სამ, ოთხ და მეტ თვემდეც გრძელდება ხოლმე.
კანის ტენიანობის შენარჩუნება არის უმნიშვნელოვანესი წინაპირობა იმისთვის, რომ ჯანსაღი კანი გვქონდეს. რეალურად, კანის ელასტიკურობა და სიჯანსაღე მის ტენიანობაზე არის დამოკიდებული. ამიტომ, მნიშვნელოვანია კანის დამატენიანებელი საშუალებების გამოყენება ტენის შესანარჩუნებლად.
კანი ტენიანობას ინარჩუნებს როგორც დამატენიანებელი კრემ-საცხების გამოყენებით, ასევე საკმარისი წყლის რაოდენობის მიღებით. წყალთან ერთად აუცილებელია ვიტამინებით მდიდარი საკვების გამოყენება და ფიზიკური აქტივობა, რაც კანის ელასტიკურობასა და ტენს გვინარჩუნებს.
