კლოდ მონეს ნახატი, რომელიც დამალული იყო 50 წელზე მეტი ხნის განმავლობაში, აუქციონზე გაიყიდება
ცნობილი ფრანგი მხატვრის და იმპრესიონიზმის ფუძემდებლის, კლოდ მონეს ნახატის საწყისი ფასი სავარაუდოდ 65 მილიონ დოლარზე მეტი იქნება, როდესაც ის მომავალი თვის დასაწყისში ნიუ-იორკში, კრისტის აუქციონზე გაიყიდება.
ორი მეტრის სიგანის ნახატი სახელწოდებით “Le bassin aux nymphéas” ანუ “წყლის შროშანების აუზი” მონეს ცნობილი წყლის შროშანების სერიის ნაწილია. იგი შეიქმნა დაახლოებით 1917-1919 წლებში, მონეს სიცოცხლის ბოლო პერიოდში, როდესაც ფრანგმა მხატვარმა შექმნა ნამუშევრების სპეციფიკური სერია, რომელიც მსოფლიოს მუზეუმებშია წარმოდგენილი.
“თითქმის მთელი სიცოცხლის განმავლობაში ფერისა და სინათლის შესწავლის შემდეგ, ეს ნახატი ასხავს ბუნების ფერთა გარდამავალ დინამიკას და სილამაზეს,”- ნათქვამია კრისტის განცხადებაში.
ნახატი 9 ოქტომბერს, კრისტის მე-20 საუკუნის ნამუშევრების საღამოს აუქციონზე იქნება წარმოდგენილი.
მონეს მნიშვნელოვანი ნახატები წარსულში უზარმაზარ თანხებად იყიდებოდა. კიდევ ერთი ნახატი წყლის შროშანების სერიიდან 84,7 მილიონ დოლარად გაიყიდა კრისტის აუქციონზე 2018 წლის მაისში, ხოლო ნახატი ჩალის სერიიდან 110,7 მილიონ დოლარად სოთბის აუქციონზე ერთი წლის შემდეგ.
