კოზანი: პენსიონერის სახლში სახიფათო ქიმიური ნივთიერება აღმოაჩინეს
კოზანი: პენსიონერის სახლში სახიფათო ქიმიური ნივთიერება აღმოაჩინეს
კოზანში პენსიონერის სახლის სარდაფიდან პიკრინის მჟავა აღმოაჩინეს. ნივთიერების შესახებ პოლიციას თავად ხანდაზმულმა მამაკაცმა შეატყობინა, რომელიც წლების წინ ელექტროენერგიის სახელმწიფო კომპანია ΔΕΗ-ში მუშაობის პერიოდიდან აქვს.
მამაკაცმა სამართალდამცავებს მას შემდეგ მიმართა, რაც ათენის საცხოვრებელ კორპუსებში პიკრინის მჟავის შემცველი ფლაკონების აღმოჩენისა და მოსახლეობის ევაკუაციის შესახებ შეიტყო.
ოპერაციის დროს კორპუსის პირველი სართული და მეორე სართული დროებით დაცალეს. სპეციალური აღჭურვილობით მომუშავე პოლიციის გამნაღმველებმა ნივთიერება სარდაფიდან უსაფრთხოდ გაიტანეს.
მედიის ინფორმაციით, ქიმიური ნივთიერება კრისტალიზებული იყო, რაც მის მდგომარეობას სახიფათოს ხდიდა. სპეციალისტებმა ის აფეთქებების ჩასატარებლად განკუთვნილ პოლიგონზე გადაიტანეს და გააუვნებლეს.
