კოლონაკში მდებარე ერთ-ერთ საწყობში დამალული იარაღი აღმოაჩინეს

მცირე არსენალი აღმოაჩინეს დღეს სამშაბათს (26/9) კოლონაკში, ნეოფიტუ დუკას ქუჩაზე მდებარე ერთ-ერთ საწყობში, რომელიც სულ ახლახანს ნაქირავები იყო გადამზიდავი კომპანიის მიერ.

შენობის სარდაფში დამალული იყო ავტომატები, თოფები, ხელყუმბარები, ვაზნები და დაახლოებით 500 ტყვია.

როგორც ERT იუწყება, მძიმე შეიარაღება ადგილზე მომუშავე  მშენებლებმა დააფიქსირეს. კომპანიის თანამშრომელმა დაუყოვნებლივ შეატყობინა უშიშროების შესაბამის უწყებას. ადგილზე მისულმა საპატრულო პოლიციამ კი ტერიტორია ალყაში მოაქცია.

ფაქტზე უკვე დაიწყო შესაბამისი გამოძიება. პოლიცია ამ დროისთვის ამოწმებს იარაღს, რომელიც ძალიან ძველია, რათა დადგინდეს, არის თუ არა ის სუფთა, თუ უკვე გამოყენებულია რაიმე დანაშაულებრივ საქმიანობაში.