კორინთის არხს სატვირთო გემი შეეჯახა-ბორტზე ეკიპაჟის ათი წევრი იმყოფებოდა
ოთხშაბათს, ღამით, საბერძნეთის დროშის ქვეშ მცურავი სატვირთო გემი კორინთის არხს შეეჯახა. სანაპირო დაცვის სამსახურის განცხადებით, გემზე ათი ადამიანი იმყოფებოდა. ყველა მათგანი ეკიპაჟის წევრი იყო.
შეჯახება კლდის მარჯვენა მხარეს მოხდა, რის შემდეგაც გემი კორინთიას კალამაკის საზღვაო ზონაში დარჩა. ბორტზე მყოფი ადამიანებიდან არავინ დაშავებულა.
ისთმიოს მე-2 საპორტო დეპარტამენტმა (კორინთის ნავსადგურის სამმართველო), რომელიც აწარმოებს წინასწარ გამოძიებას, გემს აუკრძალა ნაოსნობა, სანამ დაზიანება არ გამოსწორდება და მონიტორინგის განმახორციელებელი კლასიფიკატორის მიერ გაცემულ, ნაოსნობისთვის ვარგისიანობის სერტიფიკატს არ წარადგენს.
შემთხვევის შედეგად საზღვაო დაბინძურება არ დაფიქსირებულა.
Facebook Comments Box
