კრეტა: ავიაკატასტროფაში დაღუპული 22 წლის ახალგაზრდა სხვა ადამიანებს სიცოცხლეს ჩუქნის
კრეტა: ავიაკატასტროფაში დაღუპული 22 წლის ახალგაზრდა სხვა ადამიანებს სიცოცხლეს ჩუქნის.
კრეტაზე ავტოკატასტროფაში დაღუპული 22 წლის ახალგაზრდა ბიჭის დედამ მისი ორგანოების დონაციის გადაწყვეტილება მიიღო.
22 წლის ანტონის დედამ გადაწყვიტა მისი ორგანოების დონაცია,მას შემდეგ რაც მას კლინიკაში ექიმებმა განუცხადეს, რომ მისი შვილის მდგომარეობა შეუქცევადია.
გულის ამაჩუყებელი იყო გასული წლის აგვისტოში ავტოსაგზაო შემთხვევის შედეგად გარდაცვლილი 22 წლის ანტონის დედის საუბარი იმის თაობაზე, თუ რატომ მიიღო მან შვილის ორგანოების ჩუქების გადაწყვეტილება.
„არ მინდოდა ჩემი შვილის სული ასე წასულიყო. მინდოდა, სინათლე და სიხარული დაეტოვებინა“, – თქვა მერი ძულაკიმ იმ გადაწყვეტილების შესახებ, რომელიც მან მიიღო, როდესაც ექიმებმა აცნობეს, რომ მისი შვილის მდგომარეობა შეუქცევადია, მას შემდეგ რაც ის იბრძოდა ინტენსიური თერაპიის განყოფილებაში.
creta24.gr-ის ცნობით, ანტონიც განსაკუთრებით სენსიბილიზებული იყო, რადგან დედასთან ერთად, ორგანოთა დონაციისა და სისხლის ნებაყოფლობითი დონაციის შესახებ ბროშურების დარიგებით მონაწილეობდნენ „ჰემატოკრიტის“ ნებაყოფლობით აქციებში.
„არ არსებობს შესაბამისი სიტყვები იმის შესახებ, თუ რას განიცდის დედა, როცა ის შვილს კარგავს, მაგრამ ამ ბავშვების ხსოვნას შესაბამისი ქმედებები აქვს, რათა ერთმანეთს დავეხმაროთ“, – განაცხადა ქალბატონმა ძულაკმა ტელევიზიის CRETA-ს ეთერში.
„ვფიქრობდი დედაზე, რომელიც ტრანსპლანტაციას ელოდა იმ წუთებში, როცა მე საკუთარ შვილს ვკარგავდი. დონაცია გსრულყოფს როგორც პიროვნებას. ის ჰგავს მშობიარობას, რომლის დროსაც სრულყოფილების შეგრძნება გეუფლება“, – დასძინა აღელვებულმა ანტონის დედამ. მან ასევე აღნიშნა რომ ორი ადამიანი, რომლებმაც მისი შვილის ორგანოები მიიღო, 10 წლიანი მოლოდინში იყვნენ. „წარმოიდგინეთ, რა სიხარული და სინათლე შემოვიდა ამ ადამიანების ცხოვრებაში ჩემი შვილის დაკარგვით.
ბოლოს მან მესიჯი გაუგზავნა იმ ადამიანებს ვინც აკრიტიკებს და უარყოფითად განიხილავს იმ ოჯახების გადაწყვეტილებებს, რომლებიც ჩუქნიან ადამიანის ორგანოებს, როდესაც სიტუაცია შეუქცევადია, „ყველამ პატივი სცეს და დადუმდეს“ – თქვა სულგრძელმა დედამ რომელმაც მიუხედავად თავისი განუსაძლისი ტკივილისა გმირული გადაწყვეტილება მიიღო და ორ ადამიანს სიცოცხლე გადაურჩინა.
