კრიტი: მამამ 2 წლის შვილს მანქანით გადაუარა, ბავშვის მდგომარეობა კრიტიკულია
მორიგი მძიმე შემთხვევა მოხდა კრიტზე, ხანიაში, სამშაბათს შუადღისას.
მამაკაცს ავტოსადგომიდან უკუსვლით გამოჰყავდა მანქანა, რა დროსაც მან ვერ შეამჩნია რომ უკან მისი 2 წლის გოგონა იმყოფებოდა და შედეგად ბავშვს მანქანით გადაუარა.
როდესაც მიხვდა რაც მოხდა, მანქანიდან გადმოვიდა და ბავშვი ძირს დაცემული დაინახა.
შოკში მყოფმა ერთადერთი რაც შეძლო, დაუყოვნებლივ შეატყობინა სასწრაფო დახმარებას.
შემთხვევის ადგილზე მისულმა ბრიგადამ დაშავებული ბავშვი საავადმყოფოში გადაიყვანა.
მისი მდგომარეობა ექიმების მიერ კრიტიკულად შეფასდა, ბავშვს თავის ტვინის მძიმე დაზიანებები აღენიშნება.
გავრცელებული ინფორმაციით, მამაკაცი რთულ ფსიქოლოგიურ მდგომარეობაშია, მას პოლიციაში ჩვენების მიცემა ჯერაც არ შეუძლია.
“ვერ მივხვდი, რომ ბავშვი იმ დროს გარეთ იყო, Არ დამინახავს”- ამბობს შოკში მყოფი მამა, რომელიც პროკურატურის ბრძანების შემდეგ გაათავისუფლეს.
გავრცელებული ინფორმაციით დაშავებული ბავშვის დედა მეორე შვილზე 5 თვის ორსულია.
