კრიტი: სპინალონგას კეთროვანთა ყოფილი კოლონიის საშინელი სილამაზე

სპინალონგას პატარა კუნძული , ან კალიდონი, როგორც ოფიციალურად არის ცნობილი, მდებარეობს ცნობილ ელუნდას ყურეში, ჩრდილო-აღმოსავლეთ კრიტზე, ლასითის რეგიონში, ქალაქ პლაკას გვერდით.

სპინალონგა თავდაპირველად დაკავშირებული იყო კრიტის მატერიკთან, შემდეგ კი გამოეყო დანარჩენ მატერიკს.

მე-15 ან მე-16 საუკუნეებში ვენეციელებმა მთელი კუნძული ციხედ აქციეს და მის ირგვლივ მტკიცე კედლები ააშენეს.

თუმცა, მისი ისტორიის ყველაზე ცნობილი და ტრაგიკული ასპექტი უკავშირდება 1903 წელს, როდესაც სპინალონგა იქცა კეთროვანთა კოლონიად მატერიკიდან იზოლაციის გამო.

ეს იყო ევროპის ერთ-ერთი უკანასკნელი კეთროვანთა კოლონია, რომელმაც  ფუნქციონირება მხოლოდ 1957 წელს შეწყვიტა.

უკანასკნელმა მკვიდრმა, მღვდელმა, კუნძული არ დატოვა 1962 წლამდე, რათა შეენარჩუნებინა ბერძნული მართლმადიდებლური ტრადიცია და იქ დაკრძალული ადამიანების ხსოვნა.

სპინალონგაში ორი შესასვლელი იყო, მათგან ერთი მხოლოდ კეთროვანთათვის განკუთვნილი შესასვლელი გვირაბი, რომელიც ცნობილია როგორც “დანტეს კარიბჭე”, მას ასე დაარქვეს, რადგან ავადმყოფებმა არ იცოდნენ მათ იქ შესვლის შემდეგ რა ბედი ელოდათ.

თუმცა, მოგვიანებით კუნძულზე მყოფებზე ზრუნვა დაიწყეს და მათ მიიღეს საკვები, წყალი, სამედიცინო დახმარება და სოციალური უზრუნველყოფის გადასახადები. მანამდე ასეთი კეთილმოწყობა მიუწვდომელი იყო კრიტზე კეთროვანი პაციენტებისთვის, რადგან ისინი ძირითადად ცხოვრობდნენ ამ ტერიტორიის გამოქვაბულებში ცივილიზაციისგან მოშორებით.

კეთროვანთა კოლონიის დაშლის შემდეგ სპინალონგა დავიწყებას მიეცა. მის მიმართ ინტერესი კვლავ გაღვივდა ისეთი ადამიანების ძალისხმევით, როგორიცაა მორის ბორნი.

დღეს, დაუსახლებელი კუნძული, რომელსაც აქვს ნავსადგური და პლაჟები, კრიტის ერთ-ერთი ყველაზე პოპულარული ტურისტული ატრაქციონია. მიტოვებული კეთროვანთა კოლონიისა და ციხესიმაგრის გარდა, სპინალონგა ცნობილია თავისი პატარა კენჭოვანი პლაჟებითა და არაღრმა წყლებით.

კუნძულზე წვდომა ძალიან მარტივია პლაკადან, ელუნდადან და აგიოს ნიკოლაოსიდან, ყველა მათგანი გთავაზობთ მდიდრულ ტურისტულ საცხოვრებელს და ობიექტებს.