კრიტი: 47 წლის ქალი უკვალოდ გაუჩინარდა- მიმდინარეობს ძიება

ირაკლიოში , არხანონ ასტერუსიონის  მუნიციპალიტეტში, გუშინ შუადღისას 47 წლის ქალი გაურკვეველ ვითარებაში უკვალოდ  გაუჩინარდა.

გავრცელებული ინფორმაციით,   ქალი მეუღლესთან და 12 წლის ქალიშვილთან ერთად  დაახლოებით 16:30 საათზე  ახლომდებარე სანაპიროზე  ლოკოკინების შესაგროვებლად  წავიდა და ამ დროიდან მისი  კვალი იკარგება.

მისი გაუჩინარების შესახებ  ოფიციალურად გამთენიისას განაცხადეს, თუმცა  პირველივე საათებიდან ადგილობრივ პოლიციას სიტყვიერად აცნობეს მომხდარის შესახებ.

პოლიციის ქვედანაყოფები და სახანძრო სამსახური ამ დრომდე აწარმოებენ სამძებრო- საძიებო ოპერაციას.

ჯერჯერობით არ ვრცელდება დეტალური  ინფორმაცია თუ კონკრეტულად რა ვითარებაში  მოხდა აღნიშნული პიროვნების გაუჩინარება.