ლარისა: 13 წლის გოგონა მესამე სართულიდან გადმოვარდა, დაშავებულია გოგონას მამაც

დღეს, შუადღისას, ლარისაში 13 წლის გოგონა საცხოვრებელი კორპუსის მესამე სართულიდან გაურკვეველ ვითარებაში  გადმოვარდა და  სასწაულებრივად გადაურჩა სიკვდილს.

გავრცელებული ინფორმაციით იგი ვარდნისას  ქვედა სართულის აივნის საფარზე დაეცა, რამაც ვარდნის სიჩქარე შეანელა და შესაბამისად ძირს შედარებით მსუბუქად დაეცა, წინააღმდეგ შემთხვევაში, დიდი ალბათობით დაცემისას ფატალური შედეგი გარდაუვალი იყო.

დაშავებული, რომელსაც ნეკნების მოტეხილობა და ღვიძლის დაზიანება აღენიშნა სასწრაფოდ გადაიყვანეს ლარისას  გენერალურ საავადმყოფოში. მდგომარეობა ამ დროისთვის სტაბილურია და  მის სიცოცხლეს საფრთხე არ ემუქრება.

საავადმყოფოში აღმოჩნდა დაშავებული გოგონას მამაც,  რომელიც შვილის დასახმარებლად კიბეზე დიდი სისწრაფით ჩარბოდა, რა დროსაც დაეცა და ფეხი დაუზიანდა.

ჯერჯერობით უცნობია დაშავებული გოგონა  შემთხვევით გადავარდა თუ ეს მორიგი  თვითმკვლელობის მცდელობა იყო.