ლიკავიტოსის ბორცვთან ერთად ათენის ეროვნული პარკიც დაიკეტა

ლიკავიტოსის ბორცვთან ერთად ათენის ეროვნული პარკიც დაიკეტა

დღეს, 29 ივნისს დაიკეტა ათენის ეროვნული პარკიც ხანძრის გაჩენის მაღალი რისკის გამო, რომელსაც ძლიერი ქარები და სიცხის ტალღა იწვევს.

ქარების სიმძლავრე 9 ბოფორს გადააჭარბებს.

ეროვნული პარკი დაიკეტება განუსაზღვრელი ვადით ისევე, როგორც ლიკავიტოსის ბორცვი. 

შეგახსენებთ, რომ სრულ მზადყოფნაშია ათენის მუნიციპალიტეტის ყველა პასუხისმგებელი ორგანო ხანძრის გაჩენის მაღალი რისკის საშიშროების გამო, რომელსაც მაღალი ტემპერატურა და ძლიერი ქარები უფრო ზრდიან.

გამომდინარე აქედან მოქალაქეების უსაფრთხოებისთვის დაიკეტა ლიკავიტოს ბორცვიც გუშინ, ღამის 00:00 საათიდან განუსაზღვრელი ვადით, სამოქალაქო დაცვის სამინისტროს ახალ განკარგულებამდე.

ბორცვზე ხანძრის პრევენციის მიზნით მობილიზებული იქნება ათენის დასუფთავებისა და გამწვანების სამსახური, რომლის თანამშრომლებიც მორიგეობით შეამოწმებენ ტერიტორიას. ქალაქს გააკონტროლებენ დრონებიც და თერმული კამერებიც, რომლებიც ხელს უწყობს ნებისმიერი თერმული ცვლილების დროულად გადაცემას პასუხისმგებელი ორგანოებისთვის.