მეცნიერება ჯანსაღი კანის უკან
მეცნიერება ჯანსაღი კანის უკან
ადამიანზე პირველ შთაბეჭდილებას გარეგნობა გვიქმნის, სადაც ყველაზე მეტ ყურადღებას სახე იპყრობს.
სახის ფერს ქალისთვის ოდითგანვე დიდი მნიშვნელობა ჰქონდა. მაგალითად, ეგვიპტელი ქალები მუქი კანის გასაბაცებლად სპეციალურ მათეთრებელსა და ფერუმარილს იყენებდნენ. აზიაში დიდგვაროვანი ბანოვანები სახეზე ბრინჯის პუდრს ისვამდნენ და სწორედ ეს განასხვავებდა მათ უბრალო ხალხისგან.
მოვლის მარტივი და ყველასათვის ხელმისაწვდომი წესები დაგვეხმარება, დიდხანს შევინარჩუნოთ სახის კანი კარგ მდგომარეობაში. არ უნდა ველოდოთ, როდის დაკარგავს ის ასაკის გამო ბუნებრივ ელასტიკურობას, გამოშრება, მოეშვება, ფორები და ნაოჭები გაუჩნდება. უმჯობესია, ხელი შევუშალოთ დეფექტების გაჩენას, ვიდრე განვითარების შემდეგ ვებრძოლოთ მათ ან შევეგუოთ კანის დაბერებას.
ქსოვილის აღდგენისა და ახალი ქსოვილის წარმოქმნისთვის პროტეინი აუცილებელია. ორგანიზმი მას კანის გაცვეთილი ან მკვდარი უჯრედების შესაცვლელად, ასევე, კანის სიმკვრივის შესანარჩუნებლად იყენებს. აუცილებელია როგორც ცხოველური, ისე მცენარეული ცილის მიღება. ცხოველური ცილების საუკეთესო წყაროა კვერცხი, რძის პროდუქტები (რძე, ხაჭო, ყველი), თევზი, ფრინველისა და საქონლის ხორცი. რაც შეეხება მცენარეულ ცილებს, შეგიძლიათ მიიღოთ პარკოსნები, თხილი, სხვადასხვა მცენარის თესლი და მარცვლეულის პური.
მეტი ცილის მიღების შესანიშნავი გზაა თქვენი კვების რაციონში პროტეინის შეიკის დამატება.
დაამატეთ ანტიოქსიდანტები და ფიტონუტრიენტები თქვენი კვების რაციონში ჯანსაღი კანი საჭიროებს არა მხოლოდ პროტეინს, არამედ ანტიოქსიდანტებსა და ფიტონუტრიენტებსაც. ეს სასარგებლო ნივთიერებები გროვდება ორგანიზმში და აძლიერებს უჯრედების ანტიოქსიდანტური დაცვის მექანიზმს. დარწმუნდით, რომ თქვენს კვების რაციონში შედის ხილი და კენკრა. მაგალითად, მოცვი, მარწყვი, ვაშლი. დაამატეთ ბოსტნეულიც, ბროკოლი, ისპანახი, პომიდორი და კომბოსტო. სწორედ ეს პროდუქტები უზრუნველყოფს ანტიოქსიდანტებისა და ფიტონუტრიენტების მიღებას.
