“მე არ მინდოდა ბავშვების სიკვდილი”- აცხადებს 62 წლის პენსიონერი.
მამაკაცს, რომელიც მცირეწლოვან ბავშვებთან ერთად ავტომანქანაში ჩაიკეტა სავარაუდოდ “ორი სახე”ჰქონდა- მეგობრებთან მშვიდი, გაწონასწორებული, ხოლო ოჯახში- მოძალადე.
კვირა საღამომდე 62 წლის მამაკაცი, რომელიც ტყუპ ბავშვებთან ერთად მანქანაში ჩაიკეტა ყოფილი მეუღლის სახლთან და მანქანის აფეთქების მიზნით გაზის ბალონი გახსნა, უმწიკვლო რეპუტაციით სარგებლობდა.
კაცი ყოველგვარ ეჭვზე მაღლა- ასეთ შთაბეჭდილებას ტოვებდა საჰაერო ძალების პენსიონერი ყველაზე, ვინც მას იცნობდა.
მშვიდი, თავაზიანი, მხიარული. ადამიანი, რომელსაც არასოდეს შექმნია პრობლემები გარშემომყოფებთან ურთიერთობისას.
თუმცა, როგორც აღმოჩნდა სულ სხვაგვარად იყო ყველაფერი, როდესაც იმ სახლის კარი იკეტებოდა, სადაც ის მეუღლესთან ერთად განქორწინებამდე ცხოვრობდა.
როგორც ტყუპების დედის ახლობლები ყვებიან, ისინი ხშირად იყვნენ პენსიონერის მხრიდან მეუღლის მიმართ შეურაცხმყოფელი საქციელის მოწმე.
მათ ოჯახში ძალადობას და ჩხუბს ინტენსიური სახე ჰქონდა.
” ბოლო წვეთი” აღმოჩნდა შემთხვევა, როდესაც მამაკაცმა მეუღლის დახრჩობაც სცადა, რის შემდეგაც ბავშვების დედამ განქორწინების საშუალებით შეძლო მოძალადისგან თავის დაღწევა.
