საბერძნეთში ტურიზმი საოცარ მასშტაბებს აღწევს

საბერძნეთი- ქვეყანა რომელშიც ტურისტების ნაკადი თითქმის არასდროს წყდება, წლის ნებისმიერ დროს, განსაკუთრებით კი ზაფხულის სეზონზე.

შესაბამისად იზრდება მოთხოვნა ტურიზმის სფეროში დასაქმებულ პერსონალზე. კერძოდ კვების, სამზარეულოს, მიმღების,დასუფთავების,დამხმარე სერვისების და ზოგადად ყველა პოზიციაზე.

დამსაქმებლები პირდაპირი მნიშვნელობით იბრძვიან  საჭირო მუშახელის მოსაძიებლად.

წელს, ტურიზმის ინსაიდერების ადრეული შეფასებით პერსონალის ნაკლებობა 75000- მდე გაიზრდება.

რთულია ამ ხარვეზების შევსება. მიუხედავად იმისა, რომ ხელფასები ახლა გაცილებით მაღალია ვიდრე გასულ წლებში, სასტუმროებს კვლავ უჭირთ ვაკანსიების შევსება.

ამიტომ, სამთავრობო გადაწყვეტილების საფუძველზე შესაძლებელია ტურიზმის გაერთიანება იმ სექტორებთან,  რომლებსაც შეუძლიათ  დასაქმების მიზნით მოიზიდონ მოქალაქეები  ევროკავშირის გარეთ, მესამე ქვეყნებიდან.

დამსაქმებლებს ექნებათ შესაძლებლობა პერსონალის დაქირავებისა

ისეთი ქვეყნებიდან, როგორიცაა პაკისტანი, სირია, ეგვიპტე და ავღანეთი.

ცხადია ეს გადაწყვეტილება გარკვეულწილად შეამსუბუქებს მდგომარეობას, თუმცა პრობლემის საბოლოოდ აღმოფხვრა შესაძლებელია მხოლოდ იმ შემთხვევაში თუ დასაქმებული პერსონალი უზრუნველყოფილი იქნება მაღალი ანაზღაურებით და შესაფერისი საცხოვრებელი პირობებით, რადგან ლომის წილი ტურიზმის განვითარებაში სწორედ მათ ეკუთვნით.