Latest news
ზეფირი: ხანძრის შედეგად გარდაცვლილი 2 მეხანძრის საქმესთან დაკავშირებით პროკურორი 34 წლის ქალსა და მი... ათენის პოლიტექნიკური უნივერსიტეტი აჯანყების 53-ე წლისთავთან დაკავშირებით უნივერსიტეტის ჭიშკარი გაიხს... მიგრანტთა დაბრუნების ცენტრები: ორშაბათს გამოცხადდება ევროკავშირის პირველი არაწევრი ქვეყანა, რომელიც ... „ბავშვის მდგომარეობის დამძიმების მიზეზი მისი მეტაბოლიზმი გახდა“ - აცხადებენ პატიმრობაში მყოფი 4 თვის... დაღუპულ მეხანძრეებს კოლეგებმა წუთიერი დუმილითა და თეთრი ყვავილებით მიაგეს პატივი პოლიტექნიკური უნივერსიტეტი: რატომ მიიღეს უნივერსიტეტის შენობის დაკეტვის გადაწყვეტილება სამშენებლო კოეფიციენტის გაზრდის გეგმას მუნიციპალიტეტების მერები აპროტესტებენ პოლიცია პოლიტექნიკური უნივერსიტეტის აჯანყების წლისთავისთვის გაძლიერებულ მზადყოფნაშია საბერძნეთის სურსათისა და მედიკამენტების ეროვნული ორგანიზაციის თანამშრომელი: „აღმოჩენილი პრეპარატები ... პატრა: ოთხი თვის ჩვილის მშობლებს განზრახ მკვლელობის მცდელობაში ედებათ ბრალი
ორშაბათი, ნოემბერი 16, 2026
საბერძნეთისაზოგადოება

მიმდინარეობს საჯარო მოხელეების საპროტესტო აქცია ათენის ცენტრში 

მიმდინარეობს საჯარო მოხელეების საპროტესტო აქცია ათენის ცენტრში 

ათენის ცენტრში, კლავთმონოსის მოედნიდან დაიწყო მასშტაბური საპროტესტო აქცია, რომელიც ორგანიზებულია საჯარო მოხელეთა პროფკავშირების მიერ. შეგახსენებთ, რომ პროფკავშირებმა 24 საათიანი გაფიცვა გამოაცხადეს. 

აქციაში მონაწილეობას იღებენ საჯარო სექტორის ყველა კატეგორიის თანამშრომლები: როგორც მუდმივი შტატის თანამშრომლები, ისე კონტრაქტორები. განსაკუთრებული ყურადღება ექცევა კონტრაქტორების სტატუსის საკითხს, რადგან პროფკავშირები მოითხოვენ მათი სამუშაო ურთიერთობების დაკანონებას და შტატშო ჩასმას.

საპროტესტო მსვლელობას შეუერთდა პოლიტიკოსი ზოი კონსტანტოპულუც. 

აქციის მონაწილეები ხაზს უსვამენ, რომ საჯარო სექტორში არსებული ხელფასები აღარ არის საკმარისი ელემენტარული ცხოვრების საჭიროებების დასაფარად. ამასთანავე მიუთითებენ კადრების მწვავე დეფიციტზე და სისტემურ პრობლემებზე, რაც ხშირად საჯარო მოხელეების უსამართლო კრიტიკის მიზეზი ხდება.

პროფკავშირების შეფასებით, პრობლემების გადაჭრის გზა თანამშრომლების დადანაშაულება კი არა, არამედ საჯარო სერვისების გაძლიერება და სახელმწიფოს მხრიდან უფრო აქტიური მხარდაჭერაა.

გაფიცვის ძირითადი მოთხოვნები მოიცავს ხელფასების ზრდას, 13-ე და 14-ე ხელფასის აღდგენას, საგადასახადო შეღავათების გაფართოებას, ასევე საჯარო სექტორში მასობრივ და სტაბილურ დასაქმებას. განსაკუთრებული აქცენტი კეთდება ჯანდაცვის, განათლებისა და სოციალური დაცვის სისტემების გაძლიერებაზე.

პროფკავშირები ასევე ითხოვენ ანტი-შრომითი კანონების გაუქმებას და პრივატიზაციის პროცესის შეჩერებას, რაც მათი თქმით, საფრთხეს უქმნის საჯარო სიკეთეებს.

დღევანდელი აქცია ნათლად აჩვენებს საჯარო სექტორის უკმაყოფილებას არსებული სოციალური და ეკონომიკური პოლიტიკის მიმართ.

პროფკავშირები მზად არიან გააგრძელონ ზეწოლა მოთხოვნების დასაკმაყოფილებლად.

Facebook Comments Box

კომენტარის დატოვება

თქვენი ელფოსტის მისამართი გამოქვეყნებული არ იქნება. სავალდებულო ველების მონიშვნის ნიშანი *