მინისტრი მილტიადის ვარვიციოტისი თანამდებობიდან გადადგა

პირეას პორტში განვითარებული დრამატული მოვლენებიდან რამდენიმე დღის შემდეგ, საზღვაო გადაზიდვებისა და კუნძულოვანი პოლიტიკის მინისტრმა მილტიადის ვარვიციოტისმა დღეს (11/9) დილით გადადგომის შესახებ განცხადება გააკეთა. მისი ადგილი სახელმწიფო დეპუტატმა, ხრისტოს სტილიანიდისმა დაიკავა.

” წარმოუდგენელია, რომ ბერძენმა მეზღვაურმა ზღვაზე ადამიანის სიცოცხლის დაცვის საუკუნოვანი წესი დაარღვია და  უბედური ახალგაზრდა ბორტიდან გადააგდო და მიატოვა.

მე ვესაუბრე გარდაცვლილი ადონის ოჯახს და თანადგომა გამოვუცხადე მათ. მე ყველაფერს გავაკეთებ იმისათვის, რომ პატივი მივაგო მის ხსოვნას ჩემი პასუხისმგებლობის ფარგლებში.

თუმცა, ბოლო რამდენიმე დღის განმავლობაში მე გავხდი თავდასხმის სამიზნე, რომელიც სულ უფრო და უფრო ტოქსიკურ მახასიათებლებს იძენს. ჩემმა განცხადებამ, რომელიც არასწორად იქნა გაგებული, აღშფოთება გამოიწვია, რის გამოც მე ბოდიში მოვიხადე. მე არანაირად არ ვაიგივებ მსხვერპლს მოძალადეებთან და არ ჩამომიშორებია ის პასუხისმგებლობა, რომელიც გემის მფლობელ კომპანიას აკისრია და რომლის აღებაზეც ის დღემდე უარს ამბობს.

ჩემი პოლიტიკური გზა და ჩემი პირადი ღირსება მკარნახობს, რომ არ დავრჩე ჩემს მიერ დაკავებულ თანამდებობაზე, ამიტომ გადადგომის შესახებ განცხადებით მივმართე პრემიერს”-აღნიშნავს ამჟამად უკვე ყოფილი მინისტრი.