მინოს მაცას: ვთვლი, რომ მსოფლიოში საუკეთესო მამა ვარ

მინოს მაცას: ვთვლი, რომ მსოფლიოში საუკეთესო მამა ვარ

მინოს მაცასი თვლის, რომ მსოფლიოში საუკეთესო მამაა, რადგან შვილებს აძლევს სიყვარულს და მუდმივად ჩართულია მათ ყოველდღიურობაში.

კომპოზიტორმა განაცხადა, რომ შვილებთან ურთიერთობა ცხოვრების ყველაზე დიდი გაკვეთილია მისთვის და პირდაპირ კავშირშია ეგოიზმთან ბრძოლასთან: 

“იყო დრო როცა მუსიკას ეკავა მთავარი ადგილი ჩემს ცხოვრებაში, თუმცა ახლა ეს ადგილი ჩემმა შვილებმა დაიკავეს. ახლა უკვე მიწევს გავანაწილო ჩემი ყურადღება ბავშვებსა და მუსიკას შორის. მუსიკა ჩემთვის ყველაფერია, თუმცა ვერ ვიტყვი, რომ ბავშვების სიყვარულმა მუსიკის სიყვარულს არ გადააჭარბა. სწორედ ამიტომ მათ პირველი ადგილი დაიკავეს. მთელს ჩემს სიყვარულს მათ ვაძლევ, მათი ყოველდღიურობის განუყოფელი ნაწილი ვარ. მათ გვერდით ვარ და მხარს დავუჭერ ყოველთვის. ვთვლი, რომ მსოფლიოში საუკეთესო მამა ვარ.”