Latest news
ზეფირი: ხანძრის შედეგად გარდაცვლილი 2 მეხანძრის საქმესთან დაკავშირებით პროკურორი 34 წლის ქალსა და მი... ათენის პოლიტექნიკური უნივერსიტეტი აჯანყების 53-ე წლისთავთან დაკავშირებით უნივერსიტეტის ჭიშკარი გაიხს... მიგრანტთა დაბრუნების ცენტრები: ორშაბათს გამოცხადდება ევროკავშირის პირველი არაწევრი ქვეყანა, რომელიც ... „ბავშვის მდგომარეობის დამძიმების მიზეზი მისი მეტაბოლიზმი გახდა“ - აცხადებენ პატიმრობაში მყოფი 4 თვის... დაღუპულ მეხანძრეებს კოლეგებმა წუთიერი დუმილითა და თეთრი ყვავილებით მიაგეს პატივი პოლიტექნიკური უნივერსიტეტი: რატომ მიიღეს უნივერსიტეტის შენობის დაკეტვის გადაწყვეტილება სამშენებლო კოეფიციენტის გაზრდის გეგმას მუნიციპალიტეტების მერები აპროტესტებენ პოლიცია პოლიტექნიკური უნივერსიტეტის აჯანყების წლისთავისთვის გაძლიერებულ მზადყოფნაშია საბერძნეთის სურსათისა და მედიკამენტების ეროვნული ორგანიზაციის თანამშრომელი: „აღმოჩენილი პრეპარატები ... პატრა: ოთხი თვის ჩვილის მშობლებს განზრახ მკვლელობის მცდელობაში ედებათ ბრალი
ორშაბათი, ნოემბერი 16, 2026
საბერძნეთიკრიმინალი

მიტილინი: გაათავისუფლეს ქალბატონი რომელმაც მეუღლეს ბენზინი გადაასხა

მიტილინი: გაათავისუფლეს ქალბატონი რომელმაც მეუღლეს ბენზინი გადაასხა

გაათავისუფლეს ქალბატონი, რომელმაც მეუღლეს ბენზინი გადაასხა და ცეცხლი წაუკიდა.

26 მარტს, ხიოსის სასამართლომ დაასრულა ოჯახური დრამა, რომელიც მიტილინის ერთ-ერთ ცნობილ ტავერნაში დაიწყო, როცა მორიგი ჩხუბის შემდეგ გამწარებულმა ქალმა მის მეუღლეს ბენზინი გადაასხა და ცეცხლი წაუკიდა. დაზარალებულმა სხეულზე სიცოცხლისთვის საშიში მძიმე დამწვრობები მიიღო. 

სასამართლომ გადაწყვიტა, რომ მკვლელობის მცდელობის მუხლი შეეცვალა სხეულის მძიმე დაზიანების მუხლით დაცვის მხარის მიერ წარდგენილი შემამსუბუქებელი გარემოებების საფუძველზე. შესაბამისად ბრალდებულს მიესაჯა 5 წლით პირობითი თავისუფლების აღკვეთა. თუმცა გამოტანილი განაჩენის გასაჩივრების შემდეგ ბრალდებულს სააპელაციო სასამართლომ გამამართლებელი განაჩენი გამოუტანა. 

სასამართლო პროცესზე დაზარალებული, რომელსაც დღემდე ეტყობა სხეულზე დამწვრობისგან დარჩენილი შრამები და აქვს გადაადგილების პრობლემა, თავის მეუღლეს მხარს უჭერდა. თვითონ ბრალდებულმაც განაცხადა, რომ იყო ალკოდამოკიდებული მათ ცხოვრებაში მომხდარი ტრაგედიის გამო. ცნობილია, რომ ცოლ-ქმარს სამიდან ორი შვილი დაეღუპა.

ოჯახი აცხადებს, რომ მათი გამაერთიანებელი რგოლი იყო მათი ერთადერთი ვაჟი. სასამართლო პროცესის დასრულების შემდეგ მამა, დედა და შვილი ერთმანეთს გადაეხვივნენ და განაცხადეს, რომ ეს იყო თანაცხოვრების ახალი დასაწყისი.

ცნობილმა კრიმინოლოგმა, ალექსის კუღიასმა, რომელიც ბრალდებულის ადვოკატი იყო, სიამაყით განაცხადა, რომ განსაკუთრებით კმაყოფილია სასამართლოს ამ გადაწყვეტილებით, რადგან ოჯახს მიეცა შესაძლებლობა ცხოვრება თავიდან დაეწყოთ და იქვე დასძინა, რომ ოჯახი ისევ გახსნის ტავერნას ერთ თვეში მიტილინში. 

Facebook Comments Box

კომენტარის დატოვება

თქვენი ელფოსტის მისამართი გამოქვეყნებული არ იქნება. სავალდებულო ველების მონიშვნის ნიშანი *