მიწისძვრა ატალანტში: ტრაგანაში მეწყერი ჩამოწვა
მთელი ლოკრიდა, ფთიოტიდა და მიმდებარე პრეფექტურები დააზარალა 4,8 რიხტერის სიმძლავრის მიწისძვრამ , რომელიც დღეს, შუადღისას მოხდა ეგზარქოსსა და ატალანტს შორის .
ადგილობრივი საფეხბურთო კლუბის, აგროტის ტრაგანას პრეზიდენტის, პადელის კამოსის თქმით, ის საფეხბურთო მოედანზე იმყოფებოდა, რა დროსაც მიწისძვრის შედეგად მთის ფერდობიდან მეწყერი ჩამოწვა და კლდის ნატეხები ჩამოიშალა.
მოსახლეობა ძლიერი ბიძგების განმეორების შიშით სანაპიროზე ჩავიდა.
„ მეძინა და ძლიერმა ბიძგებმა გამაღვიძა, გუგუნის ხმა მომესმა, რომელიც 4-5 წამის მანძილზე ისმოდა, შემდეგ კი გავიგონე სახლებიდან გარეთ გამოსული მეზობლების ხმები და მივხვდი, რომ მიწისძვრა მოხდა.
არავინ დაშავებულა, ხალხი უბრალოდ პანიკაში ჩავარდა და ქუჩაში გამოვიდა, შემდეგ კი განმეორებითი ბიძგების შიშით ყველანი სანაპიროზე ჩავედით”- ამბობს ადგილობრივი მაცხოვრებელი.
სახანძრო სამსახური უწყვეტ რეჟიმში ახორციელებს პატრულირებას და მზადყოფნაშია ფთიოტიდაში, ბეოტიასა და ფოკიდაში.
ამ დრომდე შენობების სერიოზული დაზიანება არ არის დაფიქსირებული და სახანძრო სამსახურს ევაკუაციის შესახებ გამოძახება არ მიუღია.
