მძიმე სამუშაო შემთხვევა ვოლოსში – 44 წლის მამაკაცი დიდი სიმაღლიდან ავზში ჩავარდა
დღეს დილით ვოლოსში სამუშაო შემთხვევა მოხდა. კერძოდ, 09:00 საათის შემდეგ, ყველის ქარხნის მუშა მძიმედ დაშავდა, როდესაც სამსახურებრივი მოვალეობის შესრულებისას დიდი სიმაღლიდან პლასტიკატის ავზში ჩავარდა.
შემთხვევის ადგილზე მივიდა სასწრაფო დახმარების მანქანა, რომელმაც 44 წლის მამაკაცი ვოლოსის საავადმყოფოში გადაიყვანა.
თავდაპირველად დაშავებული ველესტინოს ჯანდაცვის ცენტრში მიიყვანეს, თუმცა სიტუაციის კრიტიკულობიდან გამომდინარე საჭიროდ ჩათვალეს მისი “ახილოპულიოში” გადაყვანა.
44 წლის მამაკაცს დაზიანებები მთელ სხეულზე აქვს მიყენებული. ექიმები მისი სიცოცხლის შესანარჩუნებლად იბრძვიან.
ვოლოსის შრომის ცენტრის პრეზიდენტმა თანასის პაპადიმოპულოსმა განაცხადა, რომ შრომის ინსპექცია უკვე ქარხანაშია და იკვლევს შემთხვევის გარემოებებს, იყო თუ არა დაცული უსაფრთხოების წესები.
