ნარკოტიკების გადაჭარბებული დოზის მიღების შემდეგ 16 წლის მოზარდი კომაში ჩავარდა
ათენში, ვირონას დასახლებაში მდებარე მიტოვებულ შენობაში, ნარკოტიკების გადაჭარბებული მოხმარების შემდეგ 16 წლის გოგონა კომაში ჩავარდა და ამჟამად ჰოსპიტალიზირებულია ათენის ცენტრალურ საავადმყოფოში.
ექიმების თქმით, მისი მდგომარეობა ხასიათდება როგორც შეუქცევადი, რამდენადაც თავის ტვინი უკვე მკვდარია.
მედიის ცნობით, 16 წლის გოგონა და მისი მეგობარი სხვა 17 წლის არასრულწლოვანმა ვირონაში, მიტოვებულ სახლში მიიწვია. იქ მათ მოიხმარეს ნარკოტიკული ნივთიერებები კანაფი და „შიშა“, რომელსაც ქუჩებში „ღარიბების კოკას“ უწოდებენ.
მეორე დილით მეგობარმა 16 წლის მოზარდი დაინახა ღია თვალებით და სისხლიანი. მან მაშინვე გამოიძახა სასწრაფო დახმარება, რომელმაც გოგონა მძიმე მდგომარეობაში საავადმყოფოში გადაიყვანა.
ექიმებმა ზეადამიანური ძალისხმევა განახორციელეს მისი სიცოცხლის გადასარჩენად, თუმცა ეს შეუძლებელი იყო, რადგან არასრულწლოვანს თავის ტვინის სიკვდილი დაუდასტურდა.
