ნეა ერითრეა: პოლიციამ 18 წლის ბიჭი შეიარაღებული ძარცვისთვის დააკავა
ნეა ერითრეა: პოლიციამ 18 წლის ბიჭი შეიარაღებული ძარცვისთვის დააკავა
ოთხშაბათს გამთენიისას პოლიციამ 18 წლის ბიჭი შეიარაღებულ ძარცვაში მონაწილეობის ბრალდებით დააკავა.
გავრცელებული ინფორმაციის თანახმად ახალგაზრდამ, მის თანამზრახველთან ერთად, რომელიც ამ დრომდე იძებნება, 2 თავდასხმა განახორციელა ბენზინგასამართ სადგურებზე.
პირველ ბენზინგასამართ სადგურზე ახალგაზრდები იარაღით ხელში შეიჭრნენ, მათ სახეები დაფარული ჰქონდათ და თანამშრომლისგან მოითხოვეს სრულად მიეცა მათთვის სალაროში არსებული თანხა. საბედნიეროდ ბენზინგასამართი სადგურის თანამშრომელმა მაღაზიის დაცულ ოთახში მოახერხა თავის შეფარება და ბოროტმოქმედებმა მისთვის ზიანის მიყენება და თანხის მითვისება ვერ შეძლეს ისე მიიმალნენ ადგილიდან.
ძარცვის წარუმატებელი მცდელობის შემდეგ მძარცველები მეორე ბენზინგასამართ სადგურზე მივიდნენ, სადაც ისევ იარაღით დაემუქრნენ ბენზინგასამართი სადგურის თანამშრომელს და ამჯერად შეძლეს გამოძიებისთვის ამ დრომდე დაუდგენელი ოდენობის თანხის მითვისება.
სამართალდამცავი ორგანოების მიერ წარმოებული გამოძიების საფუძველზე 18 წლის ახალგაზრდას იდენტიფიცირება და დაკავება მალევე მოხდა. დაკავებულის ჩხრეკისას ამოღებულია ცეცხლსასროლი იარაღი, რომლითაც მძარცველები ორივე ბენზინგასამართი სადგურის თანამშრომლებს დაემუქრნენ.
