Latest news
ზეფირი: ხანძრის შედეგად გარდაცვლილი 2 მეხანძრის საქმესთან დაკავშირებით პროკურორი 34 წლის ქალსა და მი... ათენის პოლიტექნიკური უნივერსიტეტი აჯანყების 53-ე წლისთავთან დაკავშირებით უნივერსიტეტის ჭიშკარი გაიხს... მიგრანტთა დაბრუნების ცენტრები: ორშაბათს გამოცხადდება ევროკავშირის პირველი არაწევრი ქვეყანა, რომელიც ... „ბავშვის მდგომარეობის დამძიმების მიზეზი მისი მეტაბოლიზმი გახდა“ - აცხადებენ პატიმრობაში მყოფი 4 თვის... დაღუპულ მეხანძრეებს კოლეგებმა წუთიერი დუმილითა და თეთრი ყვავილებით მიაგეს პატივი პოლიტექნიკური უნივერსიტეტი: რატომ მიიღეს უნივერსიტეტის შენობის დაკეტვის გადაწყვეტილება სამშენებლო კოეფიციენტის გაზრდის გეგმას მუნიციპალიტეტების მერები აპროტესტებენ პოლიცია პოლიტექნიკური უნივერსიტეტის აჯანყების წლისთავისთვის გაძლიერებულ მზადყოფნაშია საბერძნეთის სურსათისა და მედიკამენტების ეროვნული ორგანიზაციის თანამშრომელი: „აღმოჩენილი პრეპარატები ... პატრა: ოთხი თვის ჩვილის მშობლებს განზრახ მკვლელობის მცდელობაში ედებათ ბრალი
ორშაბათი, ნოემბერი 16, 2026
საბერძნეთი

ნეა პერამოში ხანძარი  უკონტროლოდ მძვინვარებს, “112”-ის შეტყობინების შემდეგ მიმდინარეობს მოსახლეობის ევაკუაცია

ხანძრის კიდევ ერთი, ხელახალი ძლიერი კერა გაჩნდა დილით (19/07) ნეა პერამოში. ხანძარი სწრაფად გავრცელდა და მიუახლოვდა დასახლებულ პუნქტს და მეცხოველეობის ნაწილებს. რაიონში ძლიერი ქარი აუარესებს ისედაც უკიდურესად მძიმე მდგომარეობას. 112-დან მიღებული შეტყობინების შემდეგ მიმდინარეობს მოსახლეობის ევაკუაცია.

შეტყობინებაში ხაზგასმულია, რომ, თუ იმყოფებით ნეა ზოის, კანდილისა და კატადრომონის გამზირზე, დაუყოვნებლივ დატოვეთ ტერიტორია.

მიუხედავად იმისა, რომ საავტომობილო ზეთის ქარხანას საფრთხე არ ემუქრება, სახანძრო ძალები ლუტრაკში იბრძვიან, რომ ხანძარი ეროვნულ გზატკეცილს არ მიუახლოვდეს.

გამთენიისას (19/07) დერვენოხორიადან გაჩენილმა დიდმა ხანძარმა ეროვნული მაგისტრალიდან სულ რაღაც 400 მეტრში, მოტორ ოილთან ძალიან ახლოს მიაღწია. ბოლო განახლების მიხედვით შემთხვევის ადგილზე ამ წუთებში ორი თვითმფრინავი და ორი “კანადერი” მუშაობს.

ლუტრაკის „ცეცხლის ფრონტზე“ იმყოფებიან სახანძრო სამსახურის გაძლიერებული საჰაერო და სახმელეთო ძალები, რომლებმაც აღმოაჩინეს ხანძრის ახალი კერები და ამჟამად მათ ჩაქრობას ცდილობენ.

სახანძრო ბრიგადებმა მოახერხეს ხანძრის შენარჩუნება ქარხნებიდან უსაფრთხო მანძილზე, ხოლო ლუტრაკის პანორამაში- რომელიც საკმაოდ მჭიდროდ დასახლებულ ზონაშია, ახალი აფეთქებები დაფიქსირდა.

პერამოს მეორე მხარეს ხანძარი ისთმიას ტერიტორიისკენ მიემართება, კონკრეტულად კი აგიოს დიმიტრიოს დასახლებისკენ. დღეს (19/07) გრძელდება მცდელობები, რათა არ მოხდეს ხანძრის მიახლოება კორინთის გადამამუშავებელ ქარხნებსა და ბიოდიზელის წარმოების განყოფილების ფართო ტერიტორიასთან.

დილიდან (19/07) ცეცხლთან „ბრძოლაში“ კვლავ მონაწილეობს ოთხი სახანძრო თვითმფრინავი და სამი შვეულმფრენი , რომლებიც გამუდმებით ასხამენ წყალს.

ამავდროულად, სახანძრო დეპარტამენტის გაძლიერებული ჯგუფები, საცალფეხო განყოფილებების 120 მეხანძრე-მაშველისგან შემდგარი ოთხი ჯგუფით და 43 მანქანა, მთელი ღამის განმავლობაში „ებრძოდნენ“ ცეცხლს და აგრძელებენ მუშაობას, რათა საჰაერო საშუალებებთან ერთად შეძლონ დაუყოვნებლივ გაუმკლავდნენ ხანძრის ახალ კერებს და დაიცვან  საცხოვრებელი ფართები.

 

 

Facebook Comments Box

კომენტარის დატოვება

თქვენი ელფოსტის მისამართი გამოქვეყნებული არ იქნება. სავალდებულო ველების მონიშვნის ნიშანი *