პატრა: დელივერის მძღოლებმა იპოვეს მანქანა, რომელმაც მათი კოლეგა გაიტანა და უგონო მდგომარეობაში მიატოვა

სურსათის დისტრიბუტორების (დელივერი) მიერ გამოვლენილმა კოლეგიალურმა სოლიდარობამ შესაძლებელი გახადა დაეკავებინათ მძღოლი, რომელიც გასულ კვირას, შუაღამისას მათ ერთ-ერთ კოლეგას დაეჯახა და უგონო მდგომარეობაში მყოფი დახმარების გარეშე იქვე მიატოვა.

შემთხვევა მაშინ მოხდა, როდესაც ავტომანქანის მძღოლმა დაარღვია სავალი ნაწილის გამყოფი ხაზი და დიდი სიჩქარით დაეჯახა 60 წლის დისტრიბუტორს, რომელმაც ასფალტზე დავარდნისას მკლავისა და ფეხის არეში დაზიანება მიიღო, მაგრამ იმის ნაცვლად, რომ გაეჩერებინა მანქანა და დახმარება გამოეძახა, შემთხვევის ადგილიდან სასწრაფოდ გაუჩინარდა.

დაზარალებული სასწრაფო დახმარების მანქანით საავადმყოფოში გადაიყვანეს, სადაც მან საგზაო პოლიციის თანამშრომლებს და თავის კოლეგებს აცნობა მანქანის ფერი და მარკა, რომელმაც მას გადაუარა.

დისტრიბუტორებმა სასწრაფოდ დაიწყეს ძებნა და მოახერხეს ზავლანის მიდამოში გაჩერებული მანქანის პოვნა, სადაც გამოიძახეს პოლიცია, რომელმაც დამნაშავე მძღოლი დააკავა.