პატრა: შენობიდან მილი ჩამოვარდა და მანქანებს დაეცა – ერთ-ერთი მანქანით დედა და მისი შვილები გადაადგილდებოდნენ

პატრა: შენობიდან მილი ჩამოვარდა და მანქანებს დაეცა – ერთ-ერთი მანქანით დედა და მისი შვილები გადაადგილდებოდნენ

პარასკევს დილით აღიოს ანდრეას ქუჩაზე გაჩერებულ 2 მანქანას იქვე მდებარე ახალაშენებული შენობიდან ჩამოვარდნილი დიდი რკინის მილი დაეცა. 

Tempo24-ის მიერ გავრცელებული ინფორმაციის თანახმად ერთ-ერთ მანქანაში დედა მის 2 არასრულწლოვან შვილთან ერთად იმყოფებოდა, რომლებიც გადმოსასვლელად ემზადებოდნენ. 

უბედური შემთხვევის შედეგად ორივე ავტომანქანას მატერიალური ზიანი მიადგა. შემთხვევის ადგილზე დაუყოვნებლივ გამოცხადდა პოლიცია. სამართალდამცავმა ორგანოებმა უკვე დაიწყეს გამოძიება მომხდარის გამომწვევი მიზეზებისა და პასუხისმგებელი პირების ვინაობის დასადგენად.