პიერია: ეკლესიებიდან და სამლოცველოდან ზარები მოიპარეს-დამნაშავეთა შორის არის არასრულწლოვანიც

პიერიის მიდამოებში მდებარე წმინდა ტაძრებიდან  და სამლოცველოებიდან სამი ბრინჯაოს ზარი მოიპარა ხუთმა პირმა, რომელთა შორის ერთი არასრულწლოვანია. მათ წინააღმდეგ საქმე მძიმე ქურდობის ბრალდებით აღიძრა.

ქურდობა 2023 წლის ივნის-ივლისის თვეებში მოხდა და საქმეზე ადგილობრივი მაცხოვრებელი სამი მამაკაცი, ერთი ქალი და ერთი არასრულწლოვანი გამოვლინდა.

კერძოდ, როგორც გამოძიებიდან გაირკვა, სამმა მამაკაცმა არასრულწლოვანთან ერთად თანამზრახველების მიერ ნაჩუქარი მანქანის გამოყენებით ტაძრებიდან სამი ბრინჯაოს ზარი მოიპარეს. ამავე პერიოდში მათ ჩაიდინეს ავტომანქანის ქურდობა, ასევე გაძარცვეს გაჩერებული მანქანა და წაიღეს ნაღდი ფული და სხვადასხვა ნივთები.

მათ მიერ ნაძარცვის ჯამური ღირებულება მთლიანობაში 19 000 ევროს აჭარბებს.

პოლიციის მიერ მიმდინარეობს გამოძიება მსგავს დანაშაულებრივ ქმედებებში მათი შესაძლო მონაწილეობის დასადგენად.