პირეას პორტში პოლიციამ ავტომობილში დამალული დიდი ოდენობით მოლოტოვის კოქტეილები აღმოაჩინა
შაბათს ღამით, საღამოს რვა საათის შემდეგ პირეას ცენტრში, პოსეიდონის სანაპიროზე ჩატარებული ჩხრეკისას პოლიციამ ავტომანქანაში დამალული მოლოტოვის კოქტეილების მთელი არსენალი აღმოაჩინა, რის შედეგადაც ავტომობილის მძღოლი და მისი თანმხლები მგზავრი დააკავეს.
მანქანის შიგთავსის ჩხრეკისას აღმოაჩინეს ზურგჩანთებში დამალული 39 მოლოტოვის კოქტეილი, რომლებიც მზად იყო გამოსაყენებლად.
პოლიციელებმა მანქანის 24 წლის მძღოლს და მის 22 წლის მგზავრს ხელბორკილები დაადეს.
დაკითხვის პროცესში გაირკვა, რომ ერთ-ერთი მათგანი პოლიციის მიერ წარსულში გარკვეული სახის კანონდარღვევაში იყო შემჩნეული.
ორივე დაკავებულის მიმართ ფეთქებადი ნივთიერების დამზადება-შენახვისა და იარაღის შესახებ კანონის დარღვევის ფაქტზე საქმე აღიძრა.
Facebook Comments Box
