პიტბულის თავდასხმა 11 წლის ბავშვზე არტემიდაში

ხუთშაბათს შუადღისას  11 წლის ბიჭს არტემიდაში  ბიტბული დაესხა თავს, რის შემდეგაც არასრულწლოვანს ოპერაცია ჩაუტარდა.

გავრცელებული ინფორმაციით, 11 წლის ბავშვი ველოსიპედით სასეირნოდ იყო წასული, გზად პიტბულს გადაეყარა, რომელიც თავს დაესხა, ველოსიპედიდან ჩამოაგდო და თავზე, კისერზე და სხეულის სხვადასხვა ნაწილზე დაუწყო კბენა.

ამავე ინფორმაციით, 11 წლის ბავშვმა ძაღლის რისხვას თავის დასაღწევად გონების დაკარგვა გაითამაშა, რის შემდეგაც ძაღლმა თავი დაანება და წავიდა.

დაშავებული ბავშვი “აგლაია კირიაკუს” საავადმყოფოში გადაიყვანეს, სადაც მას ოპერაცია ჩაუტარდა, რა დროსაც მის თავის ქალაში ჩარჩენილი პიტბულის კბილი აღმოაჩინეს. ბავშვის სიცოცხლეს საბედნიეროდ საფრთხე აღარ ემუქრება.

გავრცელებული ცნობით, პიტბულის სავარაუდო მფლობელმა უარყო ძაღლის საკუთრება და ხაზგასმით აღნიშნა, რომ ის მაწანწლა ძაღლია. ძაღლი სახლს გარეთ იმყოფებოდა, როდესაც თავს დაესხა ბავშვს. პოლიცია შეისწავლის მომხდარს, ანუ დატოვა თუ არა ძაღლმა სავარაუდო პატრონის სახლის ეზო, თუ ის მართლაც მაწანწალაა, რადგან ბავშვის მამამ სარჩელი შეიტანა.