ამინდი: შაბათს შემოდგომა მოდის-ძლიერი წვიმები მთელი ქვეყნის მასშტაბით

დღეს ოქტომბრის ბოლო დღეა, მაგრამ ამინდი სეზონისთვის უჩვეულოდ მზიანი და თბილი რჩება, თუმცა მომავალი შაბათიდან მთელი ქვეყნის მასშტაბით მკვეთრი ცვლილებაა მოსალოდნელი.

ოთხშაბათიდან (1/11)  სინოპტიკოსების პროგნოზით მოსალოდნელია მსუბუქი ადგილობრივი წვიმები დასავლეთ და ჩრდილო დასავლეთ საბერძნეთში, ასევე თრაკიაში და აღმოსავლეთ ეგეოსის კუნძულებზე.

იქროლებს 6 ბოფორტამდე სიძლიერის დასავლეთის მიმართულების ქარი და ტემპერატურა მნიშვნელოვნად არ შეიცვლება.

ხუთშაბათს ადგილობრივი წვიმები და იზოლირებული შტორმებია მოსალოდნელი დასავლეთ, ჩრდილო-დასავლეთ, ჩრდილო-აღმოსავლეთ საბერძნეთში და ეგეოსის კუნძულებზე. ტემპერატურა ოდნავ დაიკლებს.

და ბოლოს, არსებობს სერიოზული მინიშნებები, რომ პარასკევს, საღამოს საათებიდან ჩრდილო-დასავლეთ საბერძნეთში და შაბათს თითქმის მთელი ქვეყნის მასშტაბით დაიწყება ინტენსიური წვიმები და ადგილობრივი შტორმები. ამავდროულად იქროლებს 8 ბოფორტამდე სიძლიერის სამხრეთის ქარი, ხოლო ტემპერატურა საგრძნობლად დაიკლებს.