პოლიციამ 25 წლის კურიერი დააკავა, რომელიც 40 წლის მძღოლს სახრახნისით დაესხა თავს
პოლიციამ 25 წლის კურიერი დააკავა, რომელიც 40 წლის მძღოლს სახრახნისით დაესხა თავს
საკმაოდ მრავალფეროვანი კრიმინალური ისტორია აღმოაჩნდა 25 წლის კურიერს, რომელიც პოლიციამ 4 ოქტომბერს ღამით დააკავა.
შეგახსენებთ, რომ დაკავებულმა 40 წლის მძღოლს პარასკევს, 3 ოქტომბერს შელაპარაკების დროს იერა ოდოსისა და კიფისოს გამზირის კვეთაზე თვალში სახრახნისი ჩაარტყა.
გავრცელებული ინფორმაციის თანახმად კურიერი საგზაო ნიშან STOP-ზე არ შეჩერდა და სწორედ ეს გახდა ჩხუბის დაწყების მიზეზი.
დაშავებული სასწრაფო დახმარების ბრიგადამ დაუყოვნებლივ გადაიყვანა საავადმყოფოში. ის ამ დრომდე პალატაში რჩება და ექიმები აცხადებენ, რომ მისი მდგომარეობა კრიტიკული, მაგრამ სტაბილურია.
ახალგაზრდა პოლიციის შენობაში თავად გამოცხადდა, თუმცა მისი დაკავება დროის საკითხი იყო, რადგან პოლიციამ თავდასხმის შემთხვევიდან მალევე მოახდინა მისი იდენტიფიცირება.
გავრცელებული ინფორამციის თანახმად ეს არ არის პირველი შემთხვევა როცა დაკავებულმა სამართალდამცავი ორგანოების ყურადღება მიიქცია. მის სახელზე ფიქსირდება:
2018 წელი: ტაქსის ძარცვა
2019: ნარკოტიკების შეძენა/შენახვა
2020: ფეთქებადი ნივთიერებების ფლობა და აფეთქების გამოწვევა
2021: არასრულწლოვნის გატაცება და სექსუალური კავშირის დამყარება არასრულწლოვნებთან
2023: ოჯახური ძალადობა და მუქარა
2025: სიცოცხლისთვის საფრთხის შემცველი სხეულის დაზიანებების მიყენება
