პ.ფალიროში ბებია შეაწუხა მისი სახლის ქვეშ მიმდინარე კონცერტმა და შეკრებილებს ვედრით წყალი გადაასხა

ინციდენტი, რომელიც ძველი ბერძნული კინოს სიუჟეტს წააგავს, პალეო ფალიროში მოხდა.

კერძოდ, ახალი მაღაზიის გახსნის აღსანიშნავად მოწყობილ წვეულებაზე ბიზნესის  მფლობელმა მომღერალი ნიკოლას რაპტაკისი მუსიკალურ ბენდთან ერთად მიიწვია, თუმცა ღონისძიებაზე მეზობლები არ გაუთვალისწინებიათ.

ხმამაღალმა მუსიკამ და ხმაურმა იმავე კორპუსში მცხოვრებ მოხუც ქალბატონს როგორც აღმოჩნდა, მყუდროება დაურღვია. რომლმაც არ დააყოვნა, აივანზე გავიდა და მისი კორპუსის ქვეშ მდებარე ახალგახსნილი მაღაზიის წინ შეკრებილებს ვედრით წყალი გადაასხა.

მომღერალმა ინციდენტის ამსახველი ვიდეო Tiktok- ზე ატვირთა შემდეგი წარწერით:  “როგორ გადავრჩით ელექტროშოკს“ .

სოც ქსელის რამდენიმე მომხმარებელმა კომენტარებში მოხუცის მხარე დაიკავა და ამართლებდნენ მის რეაქციას თუმცა, მომღერალმა, რომელმაც ვიდეო ატვირთა, იქვე განმარტა, რომ მათ ჰქონდათ შესაბამისი ნებართვა ღონისძიების ჩატარებაზე და არანაირ კანონდარღვევას ადგილი არ ჰქონია.