რამდენად დაცულია საბერძეთის მუზეუმები

რამდენად დაცულია საბერძეთის მუზეუმები

19 ოქტომბრის, კვირას დილით, პარიზის ლუვრის მუზეუმიდან 88 მილიონი ევროს ღირებულების ისტორიული სამეფო სამკაულების თავხედური ქურდობის ფაქტმა მსოფლიოს ყველა მუზეუმის ხელმძღვანელობა შეაშფოთა. სკანდალური, ფილმის სიუჟეტის მსგავსი ქურდობის ფაქტმა, კიდევ ერთხელ შეახსენა მსოფლიო საზოგადოებას თუ რამდენად დაუცველია ქვეყნების მოძრავი კულტურული საგანძური დღის საათებშიც კი.

19 ოქტომბრის შემდეგ, მთავარი კითხვა, რაც მსოფლიო ექსპერტებს და მათ შორის ბერძნებსაც აწუხებთ არის ის, თუ რამდენად დაცულია საბერძნეთის კულტურული მემკვიდრეობა.

აღნიშნულ კითხვას აკროპოლის, ეროვნული არქეოლოგიური და ბიზანტიურ-ქრისტიანული მუზეუმის დირექტორებმა უპასუხეს: “ჩვენს ქვეყანაში აღმოჩენილი ყველა არტეფაქტის, როგორც საბერძნეთის ტერიტორიაზე მდებარე მუზეუმებში, ასევე საზღვარგარეთ, აღრიცხვა და დოკუმენტირება, რათქმაუნდა დაცვის თანამშრომლების სიფხიზლისა და პერსონალის დამატების პარალელურად, არის ჩვენი კულტურული მემკვიდრეობის დაცვის პირველი ნაბიჯი.”