Latest news
ზეფირი: ხანძრის შედეგად გარდაცვლილი 2 მეხანძრის საქმესთან დაკავშირებით პროკურორი 34 წლის ქალსა და მი... ათენის პოლიტექნიკური უნივერსიტეტი აჯანყების 53-ე წლისთავთან დაკავშირებით უნივერსიტეტის ჭიშკარი გაიხს... მიგრანტთა დაბრუნების ცენტრები: ორშაბათს გამოცხადდება ევროკავშირის პირველი არაწევრი ქვეყანა, რომელიც ... „ბავშვის მდგომარეობის დამძიმების მიზეზი მისი მეტაბოლიზმი გახდა“ - აცხადებენ პატიმრობაში მყოფი 4 თვის... დაღუპულ მეხანძრეებს კოლეგებმა წუთიერი დუმილითა და თეთრი ყვავილებით მიაგეს პატივი პოლიტექნიკური უნივერსიტეტი: რატომ მიიღეს უნივერსიტეტის შენობის დაკეტვის გადაწყვეტილება სამშენებლო კოეფიციენტის გაზრდის გეგმას მუნიციპალიტეტების მერები აპროტესტებენ პოლიცია პოლიტექნიკური უნივერსიტეტის აჯანყების წლისთავისთვის გაძლიერებულ მზადყოფნაშია საბერძნეთის სურსათისა და მედიკამენტების ეროვნული ორგანიზაციის თანამშრომელი: „აღმოჩენილი პრეპარატები ... პატრა: ოთხი თვის ჩვილის მშობლებს განზრახ მკვლელობის მცდელობაში ედებათ ბრალი
ორშაბათი, ნოემბერი 16, 2026
საბერძნეთიჯანმრთელობა

რატომ წარმოადგენს საფრთხეს არასტაბილუი არტერიული წნევა 50 წლის ასაკის შემდეგ

რატომ წარმოადგენს საფრთხეს არასტაბილუი არტერიული წნევა 50 წლის ასაკის შემდეგ

ახალი კვლევის შედეგების მიხედვით, 50 წლის შემდეგ არტერიული წნევის მკვეთრი ცვლილებები შესაძლოა ტვინის ჯანმრთელობაზე უარყოფითად მოქმედებდეს და დემენციისა და მეხსიერების დაქვეითების რისკს ზრდიდეს. კვლევა ავსტრალიაში Monash University-ის მეცნიერებმა ჩაატარეს და შედეგები ჟურნალ Neurology-ში გამოქვეყნდა.

მეცნიერები 55-დან 80 წლამდე ასაკის 225 ადამიანს 24 საათის განმავლობაში სპეციალური მოწყობილობებით დააკვირდნენ. გამოყენებული მოწყობილება არტერიულ წნევას მუდმივად ზომავდა. კვლევამ აჩვენა, რომ დღის განმავლობაში წნევის ხშირი და ძლიერი მერყეობა დაკავშირებულია მეხსიერების, აზროვნების, დაგეგმვისა და პრობლემების გადაჭრის უნარის დაქვეითებასთან.

კვლევის ავტორის, მადლინ გიბსონის განცხადებით, მაღალმა ცვალებადობამ შესაძლოა ტვინის თეთრი ნივთიერება დააზიანოს და გავლენა მოახდინოს ტვინის დამცავ ბარიერზე, რომელიც ტვინს მავნე ნივთიერებებისგან იცავს.

მკვლევრებმა დაადგინეს, რომ წნევის მცირე მერყეობაც კი დაკავშირებულია ტვინის ფუნქციონირების გაუარესებასთან, რაც შვიდი წლით დაბერების ტოლფასია.

კვლევის ზედამხედველი, მეთიუ ფეიზი, აღნიშნავს, რომ მხოლოდ ექიმის კაბინეტში წნევის ერთჯერადად გაზომვა საკმარისი არ არის. მისი თქმით, არტერიული წნევა მუდმივად იცვლება დღის და ღამის განმავლობაში და სწორედ ეს ცვლილებები შეიძლება შეიცავდეს მნიშვნელოვან ინფორმაციას ტვინის ჯანმრთელობის შესახებ.

წინა კვლევებმაც აჩვენა, რომ შუა ასაკიდან მაღალი წნევა დემენციისა და კოგნიტური პრობლემების განვითარების რისკს ზრდის. ამიტომ სპეციალისტები ხაზს უსვამენ, რომ გულ-სისხლძარღვთა ჯანმრთელობის დაცვა ტვინის ნორმალური ფუნქციონირების შენარჩუნებისთვის ძალიან მნიშვნელოვანია.

Facebook Comments Box

კომენტარის დატოვება

თქვენი ელფოსტის მისამართი გამოქვეყნებული არ იქნება. სავალდებულო ველების მონიშვნის ნიშანი *