Latest news
ისტორიული ვიდეო პოლიტექნიკური უნივერსიტეტის აჯანყების პირველი წლისთავიდან იცით თუ არა რომ მოძრაობის წესების დარღვევისას ქვეითებიც ჯარიმდებიან ირაკლიო: რატომ ჰქონდა 18 წლის ბავშვს საწვავით სავსე ბოთლთან წვდომა საბერძნეთის სახელმწიფო საბჭოს ვიცე პრეზიდენტი: არ ვიზიარებ მერების წინასწარ უარყოფით დამოკიდებულებას ზეფირი: „კოლეგის გადარჩენა ვცადე, მაგრამ ჟანგბადი გამითავდა“  კოლონოს: ილიას მიხოსი სასამართლოში გადაიყვანეს ზეფირი: ხანძრის შედეგად გარდაცვლილი 2 მეხანძრის საქმესთან დაკავშირებით პროკურორი 34 წლის ქალსა და მი... ათენის პოლიტექნიკური უნივერსიტეტი აჯანყების 53-ე წლისთავთან დაკავშირებით უნივერსიტეტის ჭიშკარი გაიხს... მიგრანტთა დაბრუნების ცენტრები: ორშაბათს გამოცხადდება ევროკავშირის პირველი არაწევრი ქვეყანა, რომელიც ... „ბავშვის მდგომარეობის დამძიმების მიზეზი მისი მეტაბოლიზმი გახდა“ - აცხადებენ პატიმრობაში მყოფი 4 თვის...
ორშაბათი, ნოემბერი 16, 2026
საბერძნეთიჯანმრთელობა

რა არის ლეპტოსპიროზი და რას უნდა მივაქციოთ ყურადღება

რა არის ლეპტოსპიროზი და რას უნდა მივაქციოთ ყურადღება

ლეპტოსპიროზი ვრცელდება საერთაშორისო მოგზაურობისა და კლიმატის ცვლილების შედეგად. საუბარი გვაქვს ინფექციურ დაავადებაზე, რომელიც სხვადასხვა სახელებით მოიხსენიება: ვეილის დაავადება, იქტეროჰემორაგიული ცხელება, ღორის დაავადება, ბრინჯის მინდვრის ცხელება, ლერწმის მჭრელის ცხელება, ჭაობის ცხელება, ტალახის ცხელება, ჰემორაგიული სიყვითლე, შტუტგარტის დაავადება, კანიკოლას ცხელება. მისთვის დამახასიათებელია მკაფიო სეზონურობა – ხშირდება ზაფხულში, ბანაობის სეზონზე, თუმცა ერთეული შემთხვევები მთელი წლის განმავლობაში გვხვდება. დაავადების გავრცელებას ხელს უწყობს კლიმატის გლობალური ცვლილება, წყალდიდობები და ჰაერის მაღალი ტემპერატურა. ყველაზე ხშირად ზრდასრული მამაკაცები ავადობენ.

ცხოველები ბაქტერიებს შარდთან ერთად გამოყოფენ, რადგან ლეპტოსპირა დაავადებული ცხოველების თირკმლის გორგლებში ბინადრობს. შარდი ტბაში, მდინარეში, ნაკადულში, ნიადაგში ჩაედინება, სადაც ბაქტერიები რამდენიმე კვირიდან რამდენიმე თვემდე ცოცხლობენ, დაბინძურებულ წყალთან ან ნიადაგთან კონტაქტი კი დაავადებას იწვევს. ადამიანისგან ადამიანს ლეპტოსპიროზი თითქმის არ გადაეცემა. ინფექცია არც ცხოველის ნაკბენით ვრცელდება.

სხეულში ბაქტერია შესაძლოა შეიჭრას თვალებიდან, ცხვირიდან, პირიდან ან დაზიანებული კანიდან. რისკი იმატებს დაბინძურებული წყლის გადაყლაპვის, დაავადებული ცხოველის შარდთან, სხეულის სხვა სითხეებთან, ქსოვილებთან უშუალო კონტაქტის, დაბინძურებული საკვების მიღების დროს.

Facebook Comments Box

კომენტარის დატოვება

თქვენი ელფოსტის მისამართი გამოქვეყნებული არ იქნება. სავალდებულო ველების მონიშვნის ნიშანი *