რენდი: ვრცელდება კადრები, თუ როგორ ეჯახება 13 წლის გოგონას ავტომანქანა
რენდი: ვრცელდება კადრები, თუ როგორ ეჯახება 13 წლის გოგონას ავტომანქანა
მომაკვდინებელ ავტოსაგზაო შემთხვევას ასახავს ვიდეოკადრები, რომლებიც protothema.gr-მა გაავრცელა.
ვიდეოში ჩანს ავტომანქანა, რომელსაც 21 წლის მძღოლი მართავს თივონის გამზირზე. ავტომანქანა ნიკეასკენ მიემართებოდა მაშინ, როცა 13 წლის გოგონას შეეჯახა, რომელიც ბორდიურზე იდგა.
ახალგაზრდამ დამუხრუჭება სცადა. ძლიერი დამუხრუჭების შედეგად ვიდეოში ჩანს კვამლი, თუმცა უბედური შემთხვევის თავიდან არიდება მაინც ვერ შეძლო.
გოგონა მიწაზე დასისხლიანებული, უგონო მდგომარეობაში დაეცა.
სასწრაფო დახმარების ბრიგადამ ნიკეას გენერალურ საავადმყოფოში გადაიყვანა. ექიმების თავდაუზოგავი მცდელობების მიუხედავად მისი გადარჩენა ვერ მოხერხდა.
პოლიციამ დააკავა ავტომანქანის მძღოლიც, რომლის ალკოტესტმაც აჩვენა, რომ არ იმყოფებოდა ნასვამ მდგომარეობაში.
თვითმხილველები აცხადებენ, რომ მძღოლი მძიმე ემოციურ მდგომარეობაში იყო, შიშისგან აკანკალებდა და ცრემლებს ვერ იკავებდა.
