როგორც ყოველთვის, ამ ზაფხულსაც ტურისტები მთელი მსოფლიოდან დასასვენებლად საბერძნეთს ირჩევენ

საბერძნეთში  ზაფხულის  ტურისტული სეზონი საუკეთესო ტემპით  დაიწყო, რადგან ტურისტებმა დედამიწის ყველა კუთხიდან უკვე დაიწყეს ქვეყნის მონახულება.

ამინდი შესანიშნავია, ხალხიც მშვენიერია, საკვები კი ფანტასტიკური-აღნიშნავენ სტუმრები, უზარმაზარ რიგს ქმნიან და მოთმინებით ელოდებიან აკროპოლზე ასვლას.

საბერძნეთის ბანკის მონაცემებით, 2023 წლის პირველ კვარტალში ევროკავშირის ქვეყნებიდან შემოსულმა ტურისტულმა ნაკადმა  შემოსავლების 31,8%-ით  ზრდა დააფიქსირა და საერთო ჯამში 318,7 მილიონი ევრო შეადგინა.

ევროკავშირის ფარგლებს მიღმა  ქვეყნებიდან შემოსული  ვიზიტორებისგან  მიღებული  შემოსავლები კი 102,2%-ით გაიზარდა და 409,6 მილიონი ევრო შეადგინა.

მუზეუმებისა და პლაჟების შემდეგ, ტურისტები სტუმრობენ მაღაზიებს, ძირითადად ათენის ცენტრში, მაგრამ ასევე დასასვენებელ ცენტრებში, სადაც ისინი ატარებენ დასვენების უმეტეს ნაწილს.

სუვენირებს ჩვეულებრივ ყიდულობენ 24,3%, ადგილობრივ ტრადიციულ პროდუქტებს 19,2%, ტანსაცმელს, ფეხსაცმელს და ტყავის ნაწარმს 17,4%, სამკაულებსა და საათებს 7,4%.

საბერძნეთის სავაჭრო კონფედერაციის მონაცემებით,  ქვეყანაში უცხოელი ვიზიტორები ხარჯავენ დღეში საშუალოდ 61 ევროს საცხოვრებლად, 49 ევროს ტაქსიში ან საზოგადოებრივ ტრანსპორტში, 35 ევროს რესტორნებში, 18 ევროს სხვადასხვა შესყიდვებზე და 12 ევროს საკვების შესაძენად საცალო მაღაზიებიდან და სუპერმარკეტებში.