როგორ აღნიშნავს ათენის მუნიციპალიტეტი 28 ოქტომბერს
როგორ აღნიშნავს ათენის მუნიციპალიტეტი 28 ოქტომბერს
ათენის მუნიციპალიტეტი ყოველწლიურად განსაკუთრებულად აღნიშნავს საბერძნეთის ეროვნულ დღესასწაულს “ΟΧΙ”-ს დღეს. ყოველწლიურად გამართული ღონისძიებები კი აღლუმით სრულდება. უკვე პარასკევიდან, 24 ოქტომბრიდან, ქალაქები ლურჯი და თეთრი ფერების კომბინაციებით შეიმოსა. სახლებიდან გადმოფენილია საბერძნეთის დროშები, ხოლო ცენტრალური მოედნები კი განათებულია ეროვნული ფერებით.
შეგახსენებთ, რომ მეორე მსოფლიო ომის მსვლელობის დროს, 1940 წლის 28 ოქტომბერს, საბერძნეთის პრემიერ-მინისტრი იოანის მეტაქსასი ცდილობდა ნეიტრალური პოზიციის შენარჩუნებას. გამომდინარე აქედან მან იტალიის დიქტატორს, ბენიტო მუსოლინის მიერ წაყენებულ ულტიმატუმზე, იტალიის ჯარებს დაეკავებინათ საბერძნეთში სტრატეგიული ტერიტორიები, მტკიცე უარი განუცხადა.
საბერძნეთის პრემიერ-მინისტრისგან წამოსული კატეგორიული და ერთმნიშნელოვანი “არა”, რომელსაც სრულიად საბერძნეთის მოსახლეობა იზიარებდა იტალია-საბერძნეთს შორის ომის გამომწვევი მიზეზი გახდა, რამაც ავტომატურად გამოიწვია საბერძნეთის მეორე მსოფლიო ომში ჩართვა. იტალიის შემოსევის დროს, საბერძნეთმა მოიგერია თავდაპირველი თავდასხმა და კონტრშეტევა განახორციელა 1941 წლის მარტში.
