როდოსი: პოლიციამ ნორვეგიის მოქალაქე დააკავა – დაკავებული 15 წლის გოგონებთან სექსუალური კავშირის დამყარებას ცდილობდა
როდოსი: პოლიციამ ნორვეგიის მოქალაქე დააკავა – დაკავებული 15 წლის გოგონებთან სექსუალური კავშირის დამყარებას ცდილობდა
ნორვეგიის მოქალაქეს კუნძულ როდოსზე მდებარე ერთ-ერთ სკოლასთან გამოკრული ჰქონდა განცხადება, რომელშიც 15 ევროს სანაცვლოდ სკოლის მოსწავლე გოგონებს სთავაზობდა მასთან დროის გატარებას.
პოლიციას აღნიშნული განცხადების შესახებ მშობლებმა შეატყობინეს.
განცხადება შემდეგი შინაარსის შემცველი გახლდათ: “ვეძებ გამხდარ, დაბალ სკოლის მოსწავლე გოგონას, რომ გაისეირნოს ჩემთან ერთად ორი საათით. უნდა ეცვას ბიკინი და შორტები – უნდა იყოს არამწეველი. გადავიხდი 15 ევროს. შემხვდი ტავერნის წინ.. ხუთშაბათს 13:00 საათზე.”
საჭირო საგამოძიებო ზომების მიღების შემდეგ პოლიციელებმა დაადგინეს ნორვეგიის მოქალაქის ვინაობა და დააკავეს. მის წინააღმდეგ საქმე აღიძრა არასრულწლოვნებთან სექსუალური ხასიათის ურთიერთობის დამყარების განზრახვისთვის.
ბრალდებული დღეს წარგდება პროკურორის წინაშე.
