საბერძნეთის სახელმწიფო საბჭომ ერთსქესიანთა ქორწინება და მათ მიერ შვილების აყვანა კონსტიტუციურად სცნო
საბერძნეთის სახელმწიფო საბჭომ ერთსქესიანთა ქორწინება და მათ მიერ შვილების აყვანა კონსტიტუციურად სცნო
საბერძნეთის სახელმწიფო საბჭომ ერთხმად დაადგინა, რომ ერთსქესიანი წყვილების ქორწინება კონსტიტუციურია და მათ მიერ არასრულწლოვნების შვილად აყვანა არ არღვევს ბავშვთა უფლებებს და ინტერესებს.
მოსამართლეებმა ხაზგასმით აღნიშნეს, რომ ერთი და იმავე სქესის წარმომადგენლებს შორის ქორწინება არ არღვევს მართლმადიდებლური ქრისტიანული ეკლესიის მიერ დადგენილ წესებსა და ტრადიციებს და მათი დაცვა მართლმადიდებელი მოქალაქეების თავისუფალ არჩევანს წარმოადგენს.
აღნიშნული გადაწყვეტილება შეესაბამება ადამიანის ღირსების პატივისცემისა და დაცვის, პიროვნების თავისუფალი განვითარებისა და კანონის წინაშე თანასწორობის კონსტიტუციურ პრინციპებს. ასევე მხედველობაში იღებს ადამიანის უფლებათა ევროპული კონვენციის და სხვადასხვა საერთაშორისო კონვენციების პრინციპებს.
