საბერძნეთი: საშობაოდ ავტომანქანების მორთვა ტრენდად იქცა
საბერძნეთი: საშობაოდ ავტომანქანების მორთვა ტრენდად იქცა
შობა ადამიანების ცხოვრებაში სიხარულის, აღფრთოვანების, ზღაპრული განწყობისა და შთაგონების პერიოდია. საბერძნეთის მოსახლეობის უმეტესობამ სახლების საშობაოდ მორთვა ნოემბრის შუარიცხვებიდან დაიწყო.
თუმცა სულ ცოტახნის წინ ბერძნული სატელევიზიო გადაცემების არაერთმა მაყურებელმა იხილა ახალგაზრდა ბიჭი ნეა ზმირნიდან, რომელმაც პირველად მორთო საშობაო ნათურებით მისი ავტომანქანა.
20 წლის ხრისტოს ავტომანქანა გამვლელებს შეუმჩნევლად არ რჩებათ.
ახალგაზრდამ ტელემაუწყებელი ΑΝΤ1-ს დილის გადაცემაში განაცხადა, რომ ჯამში მისი მანქანის მოსართავად 1 780 ნათურა დასჭირდა, ხოლო მანქანის მორთვის დრომ კი 8 საათს გადააჭარბა.
როგორც აღმოჩნდა 20 წლის ხრისტო არაერთი ადამიანისთვის იქცა შთაგონების წყაროდ. ათენის ქუჩებში ახლა უკვე საშობაოდ მორთული კაბრიოლეტიც გამოჩნდა, რომლის მოსართავადაც მის მესაკუთრეს 2500 საშობაო ნათურა დასჭირდა.
