საბერძნეთი: სახელმწიფო პროფესიულ სასწავლებლებში მიღება გამოცხადდა
საბერძნეთი: სახელმწიფო პროფესიულ სასწავლებლებში მიღება გამოცხადდა
საბერძნეთის განათლების სამინისტრომ 2026-2027 სასწავლო წლისთვის სახელმწიფო უმაღლესი პროფესიული მომზადების სკოლებში (Σ.Α.Ε.Κ.) ახალი სასწავლო პროგრამები წარადგინა. ქვეყნის მასშტაბით 116 სახელმწიფო სასწავლებელსა და მათ 17 ფილიალში სულ 95 სპეციალობა და 860 სასწავლო ჯგუფი იმუშავებს.
სამინისტროს ინფორმაციით, პროგრამები შრომის ბაზრის მოთხოვნებისა და ქვეყნის ეკონომიკური განვითარების პრიორიტეტების გათვალისწინებით შეირჩა. განსაკუთრებული ყურადღება ეთმობა კუნძულებსა და სასაზღვრო რეგიონებს, სადაც პროფესიული განათლების განვითარება ადგილობრივი დასაქმებისა და მოსახლეობის შენარჩუნების ხელშეწყობას ისახავს მიზნად.
სასწავლო პროგრამები განახლებული სასწავლო სტანდარტების მიხედვით განხორციელდება, ხოლო რეგისტრაცია სექტემბერში ონლაინ პლატფორმის საშუალებით დაიწყება. კანდიდატების შერჩევა აკადემიური და სოციალური კრიტერიუმების საფუძველზე მოხდება.
სახელმწიფო პროფესიულ სასწავლებლებში სწავლა უფასოა. სტუდენტებს, რომლებიც მუდმივი საცხოვრებელი ადგილიდან განსხვავებულ ქალაქში ისწავლიან, გარკვეული პირობების დაკმაყოფილების შემთხვევაში საცხოვრებლის დაფინანსების მიღებაც შეეძლებათ.
