საბერძნეთი: ფიზიოთერაპევტების გაფიცვა მომავალ ოთხშაბათს

მომავალ ოთხშაბათს, 25 ოქტომბერს, მთელი ქვეყნის მასშტაბით იგეგმება ფიზიოთერაპევტების გაფიცვა, რომლებიც მსახურობენ საზოგადოებრივი ჯანდაცვის სტრუქტურებსა და სამსახურებში.

ფიზიოთერაპევტთა ასოციაციის მიერ მიღებულ ამ გადაწყვეტილებას საფუძვლად უდევს მათი მხრიდან შემდეგი მოთხოვნები:

-ჯანდაცვის დ განსაკუთრებით ფიზიოთერაპიის ბიუჯეტის დაუყოვნებლივი გაზრდა.

-Claw-back და Rebate კანონის დაუყოვნებლივ გაუქმება.

-საზოგადოებრივი ჯანდაცვის სტრუქტურებში ვაკანტური ორგანიზაციული პოზიციების დაფარვა.

-სახიფათო და არაჯანსაღი სამუშაოს შესრულებისთვის დამატებითი ანაზღაურების გაცემა.

-საზოგადოებრივი სარეაბილიტაციო ცენტრების დაუყოვნებლივი ფუნქციონირება ვაკანსიების შევსებით.

– საზოგადოებრივი ჯანდაცვის ადექვატური დაფინანსება.