საგანგებო მდგომარეობა კარდიცაში: მეტამორფოსში გადასარჩენად სახურავებზე ავიდნენ

ამ დროისთვის კარდიცაში წყალდიდობის გამო შექმნილი ვითარება დრამატულია. უხვი ნალექის გამო დაბლობზე თითქმის ყველა სოფელი წყალქვეშაა, უამინდობა ოთხშაბათს დილის საათებიდან გრძელდება და წყალმა  მეტამორფოსში უკვე სახლების სახურავებამდე მიაღწია.

პალამასის მუნიციპალიტეტის ბევრ სოფელში ხალხი სახურავებზე დგას და დახმარებას ითხოვს.  მეტამორფოსის მიდამოებში დატბორილ ქუჩებში ბავშვები გასაბერი ნავებით გადაჰყავთ.

მოქალაქეების დასახმარებლად ადგილობრივი ხელისუფლება შეიარაღებული ძალებისგან ჩარევას და ვერტმფრენებს ითხოვს. დატბორილია კარდიცასა და სოფადონის მუნიციპალიტეტების სოფლებიც.

დაბა კარდიცაში სურათი უკეთესია, მაგრამ ისევ წვიმა დაიწყო, რამაც მოსახლეობის დიდი შეშფოთება გამოიწვია.

“ტრაგიკული სიტუაციაა, უმწეოები ვართ. ხალხი სახლებშია ჩაკეტილი, წყალმა 1,5 მეტრს გადააჭარბა და მოსალოდნელია მსხვერპლიც. მივმართავ ყველას დასახმარებლად, ათობით მცხოვრები მირეკავს და დახმარებას მთხოვს, მათი მდგომარეობა უმძიმესია”- აცხადებს პალამასის მერი გიორგი საკელარიუ.

„განსაკუთრებით დაზარალდა პალამა და მეტამორფოსი კარდიცაში, ვცდილობთ მივუახლოვდეთ იტეას მხრიდან. მანქანებით მივდივართ სახლებში მყოფი ადამიანების ევაკუაციისთვის, რადგან ტერიტორია დატბორილია. ძნელია მიახლოება“, – განაცხადა სახანძრო სამსახურის წარმომადგენელმა.

112- დან გამაფრთხილებელი შეტყობინება გაეგზავნათ პალამას კარდიცას მცხოვრებლებს, რათა დაშორდნენ შენობების მიწისქვეშა და მიწისზედა ტერიტორიებს.