სალონიკი: ინგლისური ენის პედაგოგის გარდაცვალებამ სოც.მედიაში საგანმანათლებლო საზოგადოება სკოლაში არსებულ ბულინგზე აალაპარაკა

სალონიკი: ინგლისური ენის პედაგოგის გარდაცვალებამ სოც.მედიაში საგანმანათლებლო საზოგადოება სკოლაში არსებულ ბულინგზე აალაპარაკა

სრულიად სალონიკის საგანმანათლებლო საზოგადოების დამწუხრება გამოიწვია პედაგოგი სოფია ხრისტიდუს გარდაცვალებამ, რომლის სიცოცხლეც შაბათს, 7 მარტს ინსულტმა იმსხვერპლა.

ინგლისური ენის მასწავლებელი 1-ლი მარტიდან მკურნალობას გადიოდა პაპაღეორღიუს ინტენსიური თერაპიის განყოფილებაში.
სოფია ხრისტიდუს ჰქონდა ბაკალავრის, მაგისტრის, დოქტორის ხარისხი და საუბრობდა 7 უცხო ენაზე.

პედაგოგის გარდაცვალებამ მის კოლეგებში აღშფოთება გამოიწვია. ისინი აცხადებენ, რომ ინსულტი სოფია ხრისტიდუს პროფესიონალურ სფეროში ბოლო პერიოდში ძლიერი ზეწოლის შედეგად დაემართა. იმავე წყაროებზე დაყრდნობით მასწავლებელს სკოლის მოსწავლეები აბულინგებდნენ, რაზეც ყურადღებას საერთოდ არ ამახვილებდა დირექცია.

გამომდინარე იქიდან, რომ პედაგოგს წარსულშიც ჰქონდა გადატანილი ინსულტი და აწუხებდა გულის, თირკმელების და სხვადასხვა პრობლემები, გაიცა განკარგულება მისი საქმის ჯანდაცვის კომიტეტში გადაგზავნასთან დაკავშირებით, ქმედუუნარობის გამო წარემართა სრულად სასწავლო პროცესი.

ვინაიდან პედაგოგის გარდაცვალების კავშირი სკოლაში ბულინგთან შეუძლებელია დადასტურდეს, განათლების სამინისტროს მხრიდან არანაირი განცხადება ამ ეტაპზე არ გამოქვეყნებულა. როგორც გარდაცვლილის ოჯახის წევრები ასევე საგანმანათლებლო საზოგადოება სასამართლო ექსპერტიზას და მის დასკვნას ელოდებიან.