სალონიკი: საცხოვრებელ კორპუსში ხანძარი გაჩნდა
სალონიკი: საცხოვრებელ კორპუსში ხანძარი გაჩნდა
სალონიკში, ამბელოკიპზე მდებარე საცხოვრებელ კორპუსში გაჩენილმა ხანძარმა მოხუცებული ქალბატონის სიცოცხლეს საფრთხე შეუქმნა. სასწრაფო დახმარების ბრიგადამ სასუნთქ გზებზე შექმნილი პრობლემით გადაიყვანა საავადმყოფოში.
ხანძარი საცხოვრებელი ბინის სამზარეულოში სამშაბათს, ღამის 09:00 საათზე გაჩნდა. Thestival.gr-ის მიერ გავრცელებული ინფორმაციის თანახმად, როგორც კი მეზობლებმა კვამლი დაინახეს, მაშინვე დარეკეს სახანძრო-სამაშველო სამსახურში. შემთხვევის ადგილზე ორი სახანძრო მანქანა მივიდა. ბინაში მეხანძრეები აივნიდან შევიდნენ და იატაკზე გულწასული მოხუცებული იპოვეს. დაშავებული კვამლშიგახვეული ბინიდან გამოიყვანეს და გადაიყვანეს საავადმყოფოში.
გავრცელებული ინფორმაციის თანახმად, მეხანძრეებმა ხანძრის ჩაფრობა სამზარეულოშივე შეძლეს, რაც იმას ნიშნავს რომ სახლის სხვა ოთახები არ დაზიანებულა.
