სამოქალაქო დაცვის სამინისტრო მოსახლეობას რამდენიმე რჩევას აძლევს ხანძრისგან თავის დასაღწევად
სამოქალაქო დაცვის სამინისტრო მოსახლეობას რამდენიმე რჩევას აძლევს ხანძრისგან თავის დასაღწევად
კლიმატის კრიზისისა და სამოქალაქო დაცვის სამინისტრო მოსახლეობას მოუწოდებს მოერიდნონ ყოველგვარი სახის აქტივობას, რომელსაც შეუძლია ხელი შეუწყოს ხანძრის გაჩენა-გავრცელებას.
ნაბიჯ-ნაბიჯ მიყვნენ სამოქალაქო დაცვის სამინისტროს მიერ გაცემულ რეკომენდაციებს სატყეო ხანძრის გაჩენის თავიდან ასარიდებლად. აღნიშნული მითითებების პოვნა მოქალაქეებს შეუძლიათ როგორც სამინისტროს ვებ-გვერდზე, ასევე სახანძრო-სამაშველო სამსახურის ოფიციალურ ფეისბუკისა და ტვიტერის გვერდებზე.
იმ შემთხვევაში თუ კვამლს შეამჩნევენ დარეკონ 112-ზე, რათა დაუყოვნებლივ მოხდეს სამაშველო-სახანძრო ძალების მობილიზება და ხანძრის დროულად დამორჩილება.
ევაკუაციის საჭიროების დროს აუცილებელია დაუყოვნებლივ დატოვოთ საცხოვრებელი ადგილი. მთავარი შეცდომა, რასაც ადამიანები უშვებენ, ნივთების შეგროვებაში დროის დაკარგვაა. სახლი შეიძლება რამდენიმე წუთში დაიწვას, თქვენ კი შიგნით ხაფანგში გამომწყვდეული აღმოჩნდეთ.
ეცადეთ, შენობიდან გარეთ გახვიდეთ. თუ კარის სახელური შეხებისას ცხელი მოგეჩვენებათ, კარს ნუ გაააღებთ. იპოვეთ სხვა გასასვლელი, მაგალითად, ფანჯარა. თუ კარის სახელური ცივია, გახსენით ნელა და გახოხდით იატაკზე.
