სატრანსპორტო სამინისტროს მინისტრი ტროლეიბუსების გაუქმების მიზეზებს ასახელებს
სატრანსპორტო სამინისტროს მინისტრი ტროლეიბუსების გაუქმების მიზეზებს ასახელებს
“ნახევარ საუკუნეზე მეტია ტროლეიბუსები ერთგულად ემსახურებიან ათენის მოსახლეობას. ჩვენი მოვალეობაა დედაქალაქს შევთავაზოთ უკეთესი ხვალინდელი დღე და ქალაქში უსაფრთხო და სანდო გადაადგილების მეთოდები.” – განაცხადა სატრანსპორტო სამინისტროს მინისტრმა, კონსტანტინოს კირანაკისმა.
მინისტრმა ისაუბრა გადაწყვეტილებაზე, რომელიც ქალაქში ტროლეიბუსების ხაზების ალაგებას უკავშირდება და აღნიშნული სატრანსპორტო საშუალების ელექტრო ავტობუსებით ჩანაცვლებას ითვალისწინებს: “ტროლეიბუსების შენახვის ღირებულება 2-ჯერ მეტია ახალი თაობის ელ.ავტობუსების შენახვის ღირებულებაზე. ყოველ კილომეტრზე, რომელსაც ტროლეიბუსი გადის, სახელმწიფო 5,5 ევროს იხდის, ხოლო ელექტრო ავტობუსისთვის კი 2,5 ევროს. ახალი თაობის, თანამედროვე ელ.ავტობუსების შემოყვანით ქალაქში მოსახლეობას წავახალისებთ დატოვონ ავტომანქანები სახლში და ისარგებლონ საზოგადოებრივი ტრანსპორტის მომსახურებით, რაც თავისთავად წვლილს შეიტანს საცობების შემცირებაში.”
შეგახსენებთ, რომ ტრამვაის ხაზების დახსნა ათენში 7 დეკემბრიდან დაიწყო და 18 თვეს გასტანს.
